Ил Дархан Айсен Николаев дьыалабыай сырыытын кэмигэр, Казахстан Өрөспүүбүлүкэтин салалтатын, ону таһынан кэккэ министиэристибэлэр салайааччыларын, ол иһигэр индустрия уонна инфраструктура сайдыытын миниистирин Марат Карабаевы, цифровой сайдыы, инновация уонна аэрокосмическай бырамыысыланнас миниистирин Багдат Мусины, култуура уонна успуорт миниистирин Асхат Ораловы кытары көрүстэ.
Ил Дархан КӨ премьер-миниистирэ Алихан Смаиловы уонна вице-премьердары Серик Жумангарины, Галымжан Койшыбаевы кытары көрсөрүгэр атыы-эргиэн хайысхатыгар бииргэ үлэлээһини бөҕөргөтүү, инвестицияны тардыы, култуура-гуманитарнай эйгэ, чуолаан, кинематография боппуруостарыгар икки өттүттэн интэриэстээхтэрин эттилэр.
Айсен Николаев цифровой технология хайысхатыгар бииргэ үлэлээһиҥҥэ итини таһынан экэниэмикэ араас салаатыгар саҥа инвестиционнай бырайыактары олоххо киллэрэргэ улахан кыах баарын бэлиэтээтэ.
Дьыалабыай сырыы түмүгүнэн Хотугу Казахстан уобалаһын Акиматын уонна СӨ Бырабыыталыстыбатын икки ардыгар бииргэ үлэлээһин уонна дуогабардаһыы туһунан санаалар этилиннилэр. Ол курдук Акимат өттүттэн атыы-эргиэн, тыа хаһаайыстыбатын уонна бырамыысыланнас эйгэтигэр барыстаах этиилэри дьүүллэстилэр.
Дэлэгээссийэ үлэтин кэмигэр Саха сирэ уонна Казахстан научнай эйгэҕэ, чуолаан, геокриология, научнай фундаментальнай уонна прикладной чинчийиилэргэ уонна сылгыны үөрдээн иитиигэ уһун болдьохтоох хайысхаларга бииргэ үлэлээһин бигэргэннэ.
Ил Дархан Айсен Николаев Казахстаҥҥа дьыалабыай сырыытын кэмигэр, Казахстан Өрөспүүбүлүкэтин бэрэсидьиэнэ Касым-Жомарт Токаевы кытары көрсөрүгэр эрэгийиэннэр икки ардыларыгар атыы-эргиэн улааппытын, инникитин даҕаны сибээс дириҥииригэр интэриэстээхтэрин эппиттэрэ.
Касым-Жомарт Токаев бэлиэтээбитинэн, Казахстан дириҥ историческай силистээх уонна ыкса култуурунай ситимнээх Саха сирин кытары бииргэ үлэлииргэ улахан болҕомтотун уурар. Онон сиэттэрэн, сибээһи сайыннарарга Саха сирин култууратын декадатын Казахстаҥҥа ыытарга этии киллэрдэ.
Саха сиригэр буолан ааспыт быыбарга байыаннай дьайыы 18 кыттыылааҕыттан 9-һун таллылар. Кинилэр ортолоругар муниципальнай тэриллии…
Оҕо эрдэхпинэ ыалларым ону-маны кистээн баран, "ол ханна сытарый?" диэн сураһаллара. Онуоха мин ханна сытарын…
Баччаларга, аһын барытын хомуйбут кэнниттэн, тэпилииссэни сернай шашканы уматан ыраастыыр үчүгэй. Ити эрээри бу дьаһал…
Бүгүн, балаҕан ыйын 17 күнүгэр, 13:00 чаастан Ил Дархан Айсен Николаев "Саха" ГТРК "Прямой разговор"…
Саха сиригэр Бүтүн Арассыыйатааҕы байыаннай-тактическай «Путь воина» күрэхтэһиитин бастакы күнэ ситиһиилээхтик саҕаланна. Бу күрэхтэһиигэ бэҕэһээ…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…