Айсен Николаев: Дьокуускай уопсастыбаннай эйгэтин уонна Нерюнгри балыыһатын саҥардан оҥоруохтара

Саха сиригэр Дьокуускай уонна Нерюнгри сайдыыларын бырайыактарыгар 3,3 млрд солкуобай кээмэйдээх казначейскай анал кирэдьиити биэриини бигэргэттилэр.

Айсен Николаев анал биэриигэ 2024 сыл бүтүөр диэри инфраструктураны тупсаҕай оҥорууга уонна тутууга бырайыактары олоххо киллэрии оҥоһуллуохтаах, диэтэ.
Айсен Николаев бу үп тустаах куораттар маастар-былааннарыгар олоҕуран дойду бэрэсидьиэнин сорудаҕынан бэриллибитин чопчулаата.
«Сүрүннээн маастар-былааннарбыт бигэргэннилэр. Аны түмүктүүр көмүскээһин бэрэсидьиэн таһымыгар ыытыллыаҕа«- диэтэ Айсен Сергеевич.
Николаев бу үптэн 500 мөл солк. Нерюнгри балыыһа комплексын саҥардыыга көрүллүө диэн эттэ.

«Салгыы 17 түөлбэ саахалланар туруктаах дьиэлэрин көһөрүүнэн салгыы дьарыктаныахпыт«, — диэтэ Айсен Николаев.
Бу үбүнэн Дьокуускай куораты тупсаҕай оҥоруу бырайыактара үлэҕэ киириэхтэрэ.
«Ол курдук, Ленин болуоссатын саҥардыы, Сайсары кытылын тулатын уонна бастакы олимпийскай чөмпүйүөн Роман Дмитриев аатынан кытылы саҥардыы«,— диэтэ кини.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата