Хаартыскаы: Мария Васильева, ЯСИА
СӨ Ил Дархана Айсен Николаев Кэбээйи улууһугар оробуочай сырыытын кэмигэр Сангаар бөһүөлэгэр байыаннай дьайыы кыттыылааҕа Кэскил Андросовы кытта көрсөн кэпсэттэ.
2022 сыл балаҕан ыйыгар мобилизациянан байыаннай дьайыыга барбыт байыас 2024 сыллаахха бааһыран, Арассыыйа Сэбилэниилээх күүстэрин кэккэтиттэн демобилизацияламмыт. Кини 2023 сыл балаҕан ыйыгар сэриилэһии кэмигэр сулууспалаахтарын босхолуур кэмигэр тобугар бааһырбыт. Билигин Санкт-Петербург куорат килиинньикэтигэр эпэрээссийэҕэ уочаракка турар.
Байыаннай сулууспаҕа барыан иннинэ байыаннай дьайыы кыттыылааҕа «Тыа баһаарын утары охсуһар авиабаза» Сангаардааҕы салаатыгар үлэлээбит. Кэргэнинээн Анастасиялыын оскуолаҕа киирэ илик уоллаах кыыс оҕолору иитэллэр.
«Фроҥҥа анал этэрээт штурмуйдуур бөлөҕүн хамандыыра этим. Билигин бэйэм уолаттарбын кытта сибээскэ олоробун, кинилэр Запорожскай хайысхаҕа байыаннай сорудахтары толоро сылдьаллар эбэтэр эмтэнэллэр. Сэрии хаамыытын болҕойон кэтиибин. Түргэнник эпэрээссийэлэнэн, чөлүгэр түһэн, үлэбэр тахсыахпын баҕарабын», – диэн абайыаннай дьайыы кыттыылааҕа кэпсээтэ.
Кэбээйи улууһун дьаһалтатын өттүттэн дьиэ кэргэҥҥэ бары өттүнэн өйөбүл оҥоһуллар. 2022 сыллаахха материальнай көмө оҥоһуллубут, 2023 сыллаахха – кыбарыытар хоһун өрөмүөннүүргэ волонтердар көмөлөспүттэр, 2024 сыллаахха аҕатыгар Өрөспүүбүлүкэтээҕи кардиологическай кииҥҥэ анааһын биэрбиттэр, оттон дьиэ кэргэҥҥэ кэргэнэ оҕолорун кытта Дьокуускайга көрдөрүнэ баралларыгар материальнай көмө оҥоһуллубут.
СӨ Ил Дархана Айсен Николаев буойуҥҥа байыаннай уонна гражданскай иэһин хорсуннук толорбутун иһин махталын биллэрдэ.
«Үрдүкү технологиялаах мэдиссиинискэй уонна атын көмөнү ыларыгар туох баар наадалаах көмө оҥоһуллуоҕа. Улуус дьаһалтата Кэскил дьиэ кэргэнигэр өйөбүл оҥорор. Кэбээйи улууһун хамаандатыгар болҕомтолоох сыһыаннарын уонна эппиэтинэстэрин иһин махтанабын. Быһаарыныылар түргэнник ылыныллыахтаахтар, көмө кэмигэр тиийиэхтээх, атаарыы хас биирдии түгэҥҥэ тус-туһунан уонна ураты сыһыаннаах буолуохтаах, онон бу үлэ хаачыстыбатын салгыы тупсарар уолдьаста. Байыаннай дьайыы кыттыылаахтарын уонна кинилэр дьиэ кэргэттэрин өйүүр систиэмэни бөҕөргөтүөххэ наада: эмтэнииттэн уонна чөлүгэр түһэриинтэн саҕалаан, үөрэххэ, үлэҕэ киириигэ уонна эйэлээх олоххо сыыйа үөрэнэн киириигэ тиийэ», – диэтэ Ил Дархан.
Санатан эттэххэ, Саха сирин Ил Дархана Айсен Николаев Ил Түмэҥҥэ Туһаайан этиитигэр демобилизацияламмыт буойуттарга бастакы уочарат мэдиссиинискэй көмө – чинчийии, эмтэнии, комплекснай реабилитация оҥоһулларын бэлиэтээбитэ. «Уустук, анал көмөҕө «тирэх» килиинньикэлэр быһаарылыннылар. Сэрии бэтэрээннэригэр, ордук дьиэ кэргэттэрин чилиэннэригэр, сэриигэ өлбүт уонна сураҕа суох сүппүт байыастар оҕолоругар психологическай өйөбүлү күүһүрдэр наада. Буойуттар эйэлээх олоххо төннөн, социальнай реабилитацияны уонна адаптацияны ааһалларын боппуруостара ураты болҕомтону эрэйэр. Бу үөрэх уонна үлэ, уопсастыбаннай олоххо кыттыы», – диэн Айсен Николаев ыйбыта.
Биллэрин курдук, Арассыыйаҕа саҥа кэлиэхтээх оҕону түһэртэрии сокуонунан көҥүллэнэрэ уонна мэдиссиинэ булгуччулаах страховкатын тиһигэр киирэрэ.…
Олунньуга биэрэһи уонна баклажаны олордор ордук. Эспиэрдэр сэрэтэллэр - сылааһы сөбүлүүр үүнээйилэргэ 75 хонуктаах үүнээйи…
ИДьМ сулууспатын 2-с нүөмэрдээх полиция отделын дьуһуурунай чааһыгар уол оҕо аҕата таҥас уорбуттарын тыллаабыт. Эр…
"Сиэрдээх Арассыыйа" фракция дьокутааттарын бөлөҕө, салайааччылара Сергей Миронов баһылыктаах, страховой уонна социальнай биэнсийэлэри индексациялыыр саҥа…
Тохсунньуга Саха сирин психологтара 960 биирдиилээн уонна бөлөҕүнэн консультацияны ыыттылар. Үлэни өрөспүүбүлүкэ иһигэр да, таһыгар…
Силиэстийэ сабаҕалыырынан, былырыын балаҕан ыйын 14 күнүгэр 1998 с.т. уонна 2001 с.т. икки эдэр киһи…