Хаартыска: Андрей Сорокин, ЯСИА.
Быйыл Олоҥхо үһүс уон сыла от ыйын 4-5 күннэригэр Кэбээйигэ ыытыллар ХIХ Олоҥхо ыһыаҕыттан саҕаланар.
Онно бэлэмнэнии үлэ хайдах бара турарын Айсен Николаев Сангаар бөһүөлэгэр оробуочай сырыытын чэрчитинэн сылдьан билистэ, көһө сылдьар сүбэ мунньаҕы ыытта. Мунньах түмүгүнэн Ил Дархан бэлэмнэнии үлэтин үрдүктүк сыаналаата уонна тырааныспарынан хааччыйыыга, кыттааччылары олордууга, аһатыыга кэккэ сорудахтары биэрдэ.
Мантан саас, сайын ыһыахха анаан сиэр-туом, сүрүн тэрээһиннэр, үгэскэ киирбит куонкурустар, күрэхтэһиилэр ыытыллыахтаах 16 эбийиэктэрэ тутуллуохтаах. Билигин бэдэрээтчит тэрээһин матырыйаалларын атыылаһа, маһы соҕотуопкалыы, ону тэҥэ Моҕол ураһа туоһун уонна сэргэ уус-уран оҥоһуктарын бэлэмнии сылдьар.
Улууска Олоҥхо ыһыаҕар бэлэмнэнии бара турар. Кулун тутар 11-12 күннэригэр билим-методическай кэмпириэнсийэ ыытыллыахтаах, онно атыы-тутуу, аһылык, кыттааччылары, ыалдьыттары түһэрии, олордуу боппуруостара көрүллүөхтэрэ. Улуус Олоҥхо институтун кытта “Кэбээйи фольклора” диэн кинигэни таһаарда. Бэйэтин күүһүнэн икки туруорууну бэлэмнии сылдьар: Т.Е. Сметанин аатынан норуодунай тыйаатыр Иван Николаев-Куоҕас Уйбаан “Бүдүрүйбэт сүһүөхтээх Мүлдьү Бөҕө” олоҥхотун уонна А.С. Борисов аатынан “Тускул” Култуурунай сайдыы киинэ Мария Эверстова-Обутова “Дьурайаан Бэргэн” олоҥхотун.
Биир улахан болҕомто волонтердарга уурулунна. Тохсунньу 15 күнүттэн сайаапканы ылыы саҕаламмыт, ыһыахха 120 киһи үлэлиэхтээх. Ыччат бэлиитикэтин миниистирэ Петр Шамаев эппитинэн, сүүмэрдээһин биир ыйынан бүтэн, үөрэтии саҕаланыахтаах.
Кэбээйигэ ыытыллар Олоҥхо ыһыаҕын аһыллыытыгар-сабыллыытыгар 1,5 тыһыынча кэриҥэ киһи кыттыаҕа, онно судаарыстыбаннай тыйаатырдар кэлэктииптэрэ, чугас сытар Нам, Горнай, Үөһээ Бүлүү, Бүлүү улуустарын култууратын тэрилтэлэрэ кыттыыны ылыахтара.
Биллэрин курдук, Арассыыйаҕа саҥа кэлиэхтээх оҕону түһэртэрии сокуонунан көҥүллэнэрэ уонна мэдиссиинэ булгуччулаах страховкатын тиһигэр киирэрэ.…
Олунньуга биэрэһи уонна баклажаны олордор ордук. Эспиэрдэр сэрэтэллэр - сылааһы сөбүлүүр үүнээйилэргэ 75 хонуктаах үүнээйи…
ИДьМ сулууспатын 2-с нүөмэрдээх полиция отделын дьуһуурунай чааһыгар уол оҕо аҕата таҥас уорбуттарын тыллаабыт. Эр…
"Сиэрдээх Арассыыйа" фракция дьокутааттарын бөлөҕө, салайааччылара Сергей Миронов баһылыктаах, страховой уонна социальнай биэнсийэлэри индексациялыыр саҥа…
СӨ Ил Дархана Айсен Николаев Кэбээйи улууһугар оробуочай сырыытын кэмигэр Сангаар бөһүөлэгэр байыаннай дьайыы кыттыылааҕа…
Тохсунньуга Саха сирин психологтара 960 биирдиилээн уонна бөлөҕүнэн консультацияны ыыттылар. Үлэни өрөспүүбүлүкэ иһигэр да, таһыгар…