Айсен Николаев: Киргизияҕа «Азия оҕолоро» оонньуулар уратытык ыытыллыахтара

Киргизияҕа 2026 сыллаахха «Азия оҕолоро» оонньуулар уратытык, саҥалыы киэбинэн ыытыллыахтара. Бу туһунан бүгүн, ахсынньы 2 күнүгэр, «Якутия вперед!» биэриигэ Ил Дархан Айсен Николаев Киргизияҕа үлэтинэн сырыытын түмүгүнэн иһитиннэрдэ.

«Киргизия — «Азия оҕолоро» оонньууларбытыгар барытыгар кыттыбыта. Бэрэсидьиэн Садыр Нургожоевич  Жапаровтыын 2026 сыллаахха «Азия оҕолоро» Киргизияҕа аан бастаан атын киэбинэн ыытыллыаҕын туһунан кэпсэттибит. Холобур, стритбол, брейкинг, роллинг уо.д.а. Азия хас да дойдута маннык тэрээһиннэри ыытарга этии киллэрбиттэрэ«, — диэтэ Ил Дархан.

Айсен Николаев РФ Олимпийскай кэмитиэтэ уонна Азия Олимпийскай сэбиэтэ бу этиини өйөөбүттэрин бэлиэтээтэ.

СӨ Ил Дархан уонна Бырабыыталыстыба пресс-сулууспата

СИА хаартыската