Айсен Николаев Кириһиэнньэ сөтүөтүгэр кытынна

СӨ Ил Дархана Айсен Николаев үгэс курдук Кириһиэнньэ сөтүөтүгэр кытынна. Бырааһынньыктааҕы литургия кэнниттэн кини арчыламмыт ууга сөтүөлээтэ.

«Саха сирин кыһына тыйыс, тымныыта күүстээх, ол эрээри итинник түгэннэргэ санаа күүһүн, ис туругу уонна дууһа үөрүүтүн ордук сытыытык билэҕин. Кириһиэнньэ уута саҥардыыны, чэбдигириини бэлэхтиир», – диэн Николаев санаатын үллэһиннэ.

Онуоха тэҥэ кини бу үгэскэ эппиэтинэстээхтик сыһыаннаһар улахан суолталааҕын бэлиэтээтэ.

«Ойбоҥҥо сөтүөлээһин – тулуурдаах буолууну тургутуу буолбатах, ити итэҕэйии хардыыта. Маныаха бэйэ доруобуйатыгар убаастабыллаахтык сыһыаннаһыахха уонна бары куттал суох буолуутун миэрэлэрин булгуччу тутуһуохха наада», – диэн эрэгийиэн баһылыга эттэ.

Түмүккэ Айсен Николаев өрөспүүбүлүкэ олохтоохторун сырдык бырааһынньыгынан эҕэрдэлээтэ, чэгиэн доруобуйаны уонна Таҥара көмөтүн баҕарда.