Хаартыска: Росавтотранспорт.ру саайтыттан
Сыл аайы тохсунньу 20 күнүгэр Арассыыйаҕа Крым Өрөспүүбүлүкэтин күнэ бэлиэтэнэр.
Өрөспүүбүлүкэ баһылыга Айсен Николаев элбэх омуктаах Саха сирин аатыттан эрэгийиэн олохтоохторун бырааһынньыгынан эҕэрдэлээтэ, диэн иһитиннэрэр Ил Дархан, бырабыыталыстыба пресс-сулууспата.
“Биһиги өрөспүүбүлүкэлэрбитин ситимниир өрүт элбэх. Бу сылларга дьиҥнээх бырааттыы сыһыан олохтонно. Атыы-эргиэн, туризм, тыа хаһаайыстыбатын хайысхаларыгар бииргэ үлэлэһэбит, атын хайысхалары сайыннарабыт, өр сыллаах култуурунай уонна билим ситимнэрин бөҕөргөтөбүт. Бу таһаарыылаах бииргэ үлэлээһиммит саҕаланыыта эрэ буолар», — диэн Айсен Николаев эҕэрдэ телеграмматыгар бэлиэтээтэ.
1991 сыллаахха тохсунньу 20 күнүгэр Крым Автономнай Сэбиэскэй Социалистическай Өрөспүүбүлүкэтин (АССР) сөргүтүү боппуруоһугар референдум ыытыллыбыта. Бу күн 2009 сыллаахха Крым Өрөспүүбүлүкэтин бырааһынньыга олохтоммута, 2014 сыллаахха Арассыыйаҕа төннүбүтүн кэннэ, “Крым Өрөспүүбүлүкэтигэр бырааһынньыктар уонна өйдөбүнньүк күннэр тустарынан” эрэгийиэннээҕи сокуонунан бигэргэтиллибитэ.
“Бүгүн туох да үлүннэриитэ суох историческай күн. 1991 сыл атырдьах ыйын 20 күнүгэр буолбут Крым судаарыстыбаннай уонна правовой статуһун туһунан референдум, 2014 сыл кулун тутар 16 күнүгэр ыытыллыбыт референдумҥа бастакы хардыынан буолбута, дьиэбитигэр төннөр суолга. Бу Крым норуоттара уруккуттан Арассыыйа норуоттарын кытта биир сомоҕо буолалларын кэрэһилиир», — диэн Крым Өрөспүүбүлүкэтин баһылыга Сергей Аксёнов эҕэрдэтигэр бэлиэтээтэ.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…