Бу дьиэ кэргэн алта оҕолоох. Куликовтар – муусука аргыстаах ыаллар, кыра оҕолор ыллыылар, үҥкүүлүүллэр, муусука инструменнарыгар оонньууллар. “Баҕа санаа харыйата” аахсыйа чэрчитинэн кинилэр гитараны уонна саҥа компьютеры үлэспиттэрэ.
“Миэхэ дьиҥнээх гитараланыан олус баҕарар Дарина суруга түбэспитэ. Кини Зевора диэн игирэтин аҥаара баарын билэн баран, кини баҕарар ноутбугун эмиэ толорбутум. Бу иллээх ыал дьиэтэ уонна Саха сирин ыалларын алаһа дьиэлэрэ дьолунан уонна оҕо күлүүтүнэн туоллун”, — диэтэ Айсен Николаев.
“Баҕа санаа харыйатыгар” сурук суруйарбытыгар олус эрэммиппит, барыта туолуо диэн. Оҕолор олус үөрдүлэр, дьиҥнээх алыптаах күн буолла. Уонна Айсен Сергеевич биһиэхэ кэлэн оҕолорго бэлэхтэрин туттарбыта – бырааһынньык үөрүүтүн аҕалла”, — диэн күн күбэй ийэлэрэ Татьяна Куликова санаатын үллэһиннэ. Оҕолор өрөспүүбүлүкэ баһылыгар муусуканан үлүһүйүүлэрин, үөрэхтэрин туһунан кэпсээтилэр. Кинилэр быйыл федеральнай бырагырааманан хапытаалынай өрөмүөн ыытыллыбыт №23 оскуолаҕа үөрэнэллэр.
Санаттахха, баҕа санаалаах открытканы Саха сирин Ил Дархана Кремльгэ “Баҕа санаа харыйата” Бүтүн Арассыыйатааҕы аһымал аахсыйатын кэмигэр талан ылбыта. Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Андрей Сорокин түһэриитэ (СИА)
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…
Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…
Дьокуускай куорат борокуратуурата криптовалютаҕа инвестициялыыр аатыран дьон үбүн-харчытын уорууга сыһыаннаах холуобунай дьыаланы суукка ыытта. Бу…
Ил Дархан Айсен Николаев бэҕэһээ, тохсунньу 9 күнүгэр, оробуочай сырыытынан Дьокуускайга баар Искэн киинин үлэтин…
СӨ Ил Дархана Айсен Николаев тохсунньу 9 күнүгэр Дьокуускайга 253 миэстэлээх 1 №-дээх орто оскуола…