Айсен Николаев: Куорат дьаһалта кэмигэр уонна сөптөөх үлэни ыытар

Билигин буола турар «Быһа эпиир»  бырагыраамаҕа Ил Дархан Айсен Николаевка киин куорат уулуссаларыттан ууну оботторууга, кумах кутууга элбэх ыйытык киирдэ.

Ил Дархан Айсен Николаев быйыл сааскы уу былырыыҥҥытааҕар аҕыйаҕын  бэлиэтээтэ. Бастатан туран, бу куорат дьаһалтата кэмигэр уонна сөптөөх үлэни ыыппытын түмүгүнэн ситиһиллибитин ыйда.

“Быйыл балаһыанньа былырыыҥҥытааҕар быдан ордук. Ол эрээри, биллэн турар, билигин даҕаны болҕомтону уурар араас кэккэ түгэннэр бааллар. Бүгүн Дьокуускай баһылыга Евгений Григорьевтыын бу боппуруостары дьүүллэһиигэ көрсүбүтүм. Сотору кэминэн баар кыһалҕалар туоратыллыахтара диэн эрэнэбин», — диэн Айсен Николаев хоруйдаата.

Ил Дарханы кытта кэпсэтии Дьокуускай бириэмэтинэн куйаар ситиминэн “Саха” НКИХ, «Якутия 24», «Россия 24», «Тэтим», «Радио России», «Виктория-Саха», «СТВ-радио» араадьыйа уонна Ил Дархан Айсен Николаев социальнай ситимнэринэн буола турар.