Мария Васильева (СИА) хаартыската
Ил Дархан Айсен Николаев «Дьокуускай куорат» куораттааҕы уокурук территориятын санитарнай ыраастааһынын боппуруостарыгар мунньаҕы ыытта.
«Куоракка хаары тиэйии-таһыы уонна чалбах уутун хачайдааһын балаһыанньата тыҥааһыннанна. Бүгүн сарсыарда эмиэ куораты кэрийэн көрдүм. Көстөрүн курдук, аҕыйах үөрэх тэрилтэлэригэр тустаах үлэ барар. Ол гынан баран, субуотунньугу сүрүннээн учууталлар уонна төрөппүттэр эрэ ыыталлар», – диэн Айсен Николаев бэлиэтээтэ.
Кини Дьокуускай куорат мэрэ Евгений Григорьевка тус бэйэтэ сылдьан оскуолалар уонна оҕо саадтарын тиэргэннэриттэн ууну-хаары таһар-тиэйэр үлэлэр хаамыыларын бэрэбиэркэлииригэр соруйда.
Итини таһынан Евгений Григорьевка бу күннэргэ киин куорат уулуссаларыгар үгүс киһи кыттыылаах субуотунньуктары тэрийэригэр эттэ.
«Кэлэр үс күн иһигэр балаһыанньа төрдүттэн уларыйыахтаах – хаары ыраастааһын уонна чалбах уутун хачайдааһын сүрүн үлэлэрэ бүтүөхтээхтэр. Эбии дьонно үлэлэт уонна сириэстибэтэ бул, үлэһиттэриҥ сымыйа отчуоттарыгар итэҕэйимэ, бэйэҥ тус хонтуруолгар ыл», — диэтэ Айсен Николаев Дьокуускай куорат мэригэр туһаайан.
«Куорат хаһаайыстыбатын эксплуатациятын сулууспата» МКУ салайааччытыгар Владимир Аммосовка элбэх уу сүүрэр канализационнай лотоктарын ириэрдии үлэтин тэтимин түргэтэргэ эттэ. Муус устар 23 күнүнээҕи туругунан 40 бырыһыан эрэ лоток бэлэм буолбут. Үлэ тэтимэ бытаан.
Санатар буоллахха, хас биирдии куорат уокуругар өрөспүүбүлкэ министиэристибэлэрэ уонна госкомитеттара сыһыарыллыбыттара. СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовниковка тустаах үлэни күүһүрдэргэ сорудахтанна.
Итини таһынан, мунньах түмүгүнэн Куорат хаһаайыстыбатын эксплуатациятын сулууспатыгар, «Якутдорстрой» АУо уонна «Жилкомсервис» МУП тэрилтэлэргэ эмиэ сорудах бэрилиннэ.
СӨ Ил Дарханын уонна Бырабыыталыстыбатын пресс-сулууспата
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…