Хаартыска: Андрей Сорокин, ЯСИА
Ил Дархан Айсен Николаев Кыргыстаан Өрөспүүбүлүкэтин миниистирдэрин кэбиниэтин бэрэссэдээтэлин солбуйааччыта Эдиль Байсаловы кытта көрүстэ. Көрсүһүү гуманитарнай, экэнэмиичэскэй уонна култуурунай эйгэлэргэ икки өрүттээх сибээстэри бөҕөргөтүү боппуруостарыгар ананан ыытылынна.
Айсен Николаев Кыргыстаан дэлэгээссийэтин эҕэрдэлээн туран, Саха сирин норуоттарын ураты култууратын уонна үгэстэрин көрдөрөр суолталаах национальнай тэрээһиҥҥэ — «Манчаары оонньууларыгар» кыттыбыттарын иһин махталын биллэрдэ.
Кини бэлиэтээбитинэн, маннык тэрээһиннэр Арассыыйа уонна Кыргыстаан норуоттарын икки ардыларыгар култуурунай уонна духуобунай сибээстэри бөҕөргөтөргө көмөлөһөллөр.
«Биһиги ыҥырыыбытын ылынан, XXII «Манчаары оонньууларыгар» бочуоттаах ыалдьыт быһыытынан Саха сиригэр кэлбиккитигэр ис сүрэхпиттэн махтанабын. Бу тэрээһин биһиги үгэс буолбут сыаннастары, култуура уратытын уонна успуорт тыынын харыстыырга, сайыннарарга дириҥник тутуһарбытын көрдөрөр. Бу өттүнэн биһиги оонньууларбыт СНГ дойдуларыгар ыытыллар атын бэлиэ этнокултуурунай тэрээһиннэри кытта элбэх маарыннаһардаахтар. Мин санаабар, биһиги икки өрүттээх сибээһи кэҥэтэргэ улахан кыахтаахпыт. Саха сирин уонна Кыргыстаан икки ардыларыгар гуманитарнай эйгэҕэ бииргэ үлэлээһин саҥа таһымҥа тахсыбыта ураты суолталаах. Биһиэхэ национальнай-култуурунай түмсүүлэр көхтөөхтүк үлэлииллэр, тыйаатыр уонна билим эйгэтигэр көҕүлээһиннэр олоххо киирэллэр, үөрэхтээһин атастаһыыта сайдар», — диэн Ил Дархан Айсен Николаев бэлиэтээтэ.
Эдиль Байсалов Кыргыстаан Өрөспүүбүлүкэтин Бэрэсидьиэнин Садыр Жапаров аатыттан эҕэрдэ тылларын тириэртэ уонна «Манчаары оонньууларын» үрдүк таһымнаахтык тэрийиини бэлиэтээтэ. Ону тэҥэ тэрээһиннэр далааһыннарынан, успуорт эбийиэктэр бэлэмнэринэн уонна бырааһынньык тыынынан сөхпүтүн биллэрдэ.
Бүгүн, атырдьах ыйын 30 күнүгэр, Дьокуускайга 100 км сүүрүүгэ Арассыыйа чөмпүйэнээтэ саҕаланна. Старт сарсыарда 7…
Бу күн Кыыс бэлиэтигэр, оттон Ый Охчут бэлиэтигэр киириэхтэрэ. Ол аата биһигиттэн чуолкай буолуу ирдэниэ, ол эрээри…
Саха сиригэр Беларусь өрөспүүбүлүкэтиттэн тырааныспар-логистическай сибээһи сайыннарыы бырайыагын чэрчитинэн тимир суол саҥа маршрутунан бастакы таһаҕастар…
Ил Дархан Айсен Николаев бүгүн, атырдьах ыйын 29 күнүгэр, "Якутия, вперед!" биэриигэ ый түмүктэрин таһаарда.…
Нерюнгри оройуонун Улахан Хатымы сэлиэнньэтин таһыгар сүппүт эр киһини буллулар. Тыыннаах, мэдиссиинэ көмөтүгэр наадыйбат диэн…
Эдьигээн улууһугар Бэстээх уонна Сангаар икки ардыгар өрүскэ тайаҕы көрбүттэр. Василий Аполлонов видеоҕа устуута: https://t.me/ysiaru/87745