Айсен Николаев Кытайы кытары бииргэ үлэлээһин туһунан кэпсээтэ

— Бэрэсидьиэн бэйэтин этиитигэр Өлүөнэ, Амур  өрүстэри  туоруур муосталар тутууларын, Хотугу муора суолун сайдыытын  туһунан  кэпсээбитэ.  Амур муостата «Джалинда — Мохэ» бырайыагы кытары ситимнээх. Бу бырайыактар барылара Уһук Илиҥҥэ,  ол иһигэр Саха сиригэр болҕомтону тардыыга, Кытайы кытары экэнэмиичэскэй сибээһи  кэҥэтиини  кытары сибээстээхтэр.  Онон, Кытай биисинэһэ улахан интэриэстээх буолуо диэн бүк эрэллээхпин, –  диэн бэлиэтээтэ Айсен Сергеевич.

Ил Дархан  2022  сыл түмүгүнэн, Саха сирэ уонна Кытай тас эргиэнин эргиирэ 3 млрд солк. тахсыбытын иһитиннэрдэ. Кини сылыктыырынан, бу көрдөрүү 2023 сыл түмүгүнэн өссө улаатар чинчилээх.

Санатан эттэххэ,  Shag Bao internationa Film Culture Media Co диэн Кытайга киинэ устар хампаанньа Дьокуускайга киинэ павильонун тутууга көмөлөһүөҕэ. Бииргэ үлэлэһии сөбүлэҥин СӨ бырабыыталыстыбатын бэрэссэдээтэлин солбуйааччы Анатолий Семенов уонна Shag Bao аан дойдутааҕы киинэ хампаанньатын бырабылыанньатын бэрэссэдэээтэлэ Ли Баохуа түһэрсибиттэрэ.

Сиһилии https://www.sakha.gov.ru/news/front/view/id/3374627