Хаартыска: Андрей Сорокин, СИА
Сэтинньи 25 күнүгэр Арассыыйа Федерациятын Судаарыстыбаннай Сэбиэтин «Энергетика» уонна «Тырааныспар көдьүүстээх тиһигэ» хайысхаларга хамыыһыйалар холбоһуктаах мунньахтара буолла.
Мунньах РФ Госсэбиэтин «Энергетика» хайысхатын хамыыһыйатын бэрэссэдээтэлэ Айсен Николаев уонна «Тырааныспар көдьүүстээх тиһигэ» хайысхаҕа хамыыһыйа бэрэссэдээтэлэ, Бурятия Өрөспүүбүлүкэтин баһылыга Алексей Цыденов салайыыларынан ыытылынна.
Мунньахха 200 тахса киһи кытынна — 9 эрэгийиэн баһылыктара, федеральнай биэдэмистибэлэр, министиэристибэлэр, РЖД, таас чох хостуур хампаанньалар салайааччылара, эспиэрдэр, эрэгийиэннэр бэрэстэбиитэллэрэ кытыннылар.
Арассыыйа Бэрэсидьиэнин Байкал-Амур уонна Транссибиирдээҕи тимир суол ыллыктарын саҥардыы бырайыагын олоххо киллэриигэ, ону тэҥэ 2024 уонна 2025 сылларга таас чох бородууксуйатын таска таһаарыыга сорудахтарын толорууга сыһыаннаах тутаах боппуруостар көрүлүннүлэр.
«Илиҥҥи полигон таһаҕаһы тиэйиини хааччыйыыга стратегическай суолталаах, итинтэн 80 % оттук-энергетика комплексын таһаҕастара буолаллар. Полигон аһарар кыаҕа улаханын үрдүнэн кэккэ эрэгийиэннэргэ лимииттээх, ол иһигэр Саха сиригэр. Таас чоҕу тиэйии кээмэйэ наадыйыыттан намыһах, онон таас чоҕу хостуур эрэгийиэннэргэ ыксалы үөскэтэр», — диэтэ Саха сирин баһылыга Айсен Николаев.
Кини ону тэҥэ эрэгийиэннэр бары салайааччылара таас чоҕу хостуур эрэгийиэннэр уонна РЖД икки ардыларыгар чоҕу тохтоло суох тиэйиини хааччыйыыга сөбүлэһиилэри түһэрсии быраактыкатын оннунан хаалларарга этии киллэрэллэрин бэлиэтээтэ. Ону тэҥэ 2025 сыл былааннарын торумнуурга төһөнү тиэйэр кыахтаахпытыгар дьиҥнээхтик болҕойорго этилиннэ.
“Таас чох — бу көннөрү табаар буолбатах. Бу энергетика туруктаах буолуутун уонна дойду мөлүйүөнүнэн олохтооҕун этэҥҥэ буолууларын төрүттэриттэн биирдэстэрэ. Барыбыт күүһүнэн эрэгийиэннэр, чоҕу хостуур хампаанньалар уонна дойдубут бүттүүнүн тустарыгар баар кыһалҕалары туоратыахпыт»,— диэн Айсен Николаев бэлиэтээтэ.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.
Быһылаан Дьокуускайга ахсынньы 20 күнүгэр сарсыарда эрдэ буолбут. Эрдэҕэс саастаах оҕолор икки билбэт киһилэрин кырбаабыттар.…
2025 сыл бүтэһик нэдиэлэтэ икки эрэ үлэ күннээх, ол кэнниттэн Арассыыйа олохтоохторун саҥа дьыллааҕы сынньалаҥ…
Саҥа дьылга бэлэмнэнэн сотору Саха сирин олохтоохторо мандарины атыылаһыахтара. Мандарины атыылаһаргытыгар сирийэн көрүҥ. Өскөтүн мандарин…
Энэргиэтиктэр күннэринэн быйыл тэриллибиттэрэ 60 сылын туолбут “Якутскэнерго” ПАУо Киин элэктэриичэскэй ситимнэрин салайааччыта Петр Гаврильевич…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Убаастабыллаах Саха сирин олохтоохторо, энэргэтиичэскэй комплекс үлэһиттэрэ уонна бэтэрээннэрэ! Эһиги үрдүк таһымнаах үлэҕит, эппиэтинэскит, бэриниилээх…