Балаҕан ыйын 16 күнүгэр Айсен Николаев Марина Бахилинаны кытта көрүстэ. Саха сирин баһылыга уонна Аҕа дойду буойуннарын дьиэ кэргэнин кэмитиэтин эрэгийиэннээҕи салаатын салайааччыта тустаах тэрилтэ салгыы сайдыытын дьүүллэстилэр.
Кэмитиэт Саха сиригэр байыаннай дьайыы кыттыылаахтарыгар уонна кинилэр дьиэ кэргэттэригэр уйулҕа көмөтүттэн саҕалаан юридическайга тиийэ көмөлөһөр. Бу түмсүү ыстааптара үгүс оройуоннарга бааллар.
Айсен Николаев Марина Бахилинаҕа байыаннай дьайыы кыттыылаахтарын уонна кинилэр дьиэ кэргэттэрин өйүүр үлэни ыытарын иһин махтанна.
“Кэмитиэт үлэтэ биһиги көмүскээччилэрбит тула уопсастыба түмсүүтүгэр улахан оруоллаах. Көрсүһүүгэ Марина Константиновна биһиги байыаннай сулууспалаахтарбыт уонна кинилэр дьиэ кэргэттэрин өйүүргэ сыһыаннаах дьоһун боппуруостары көтөхтө, ону биһиги бииргэ быһаарыахпыт”, — диэн бэлиэтээтэ Ил Дархан.
Маны сэргэ Айсен Николаев уонна Марина Бахилина байыаннай дьайыы ыытыллар сиригэр Саха сирин тирэх пууннарын тэрийэр туһунан кэпсэттилэр.
Санаттахха, КСВО 2022 сыллаахха Арассыыйа Бэрэсидьиэнин Владимир Путин көҕүлээһининэн тэриллибитэ. Бу тэрилтэ эрэгийиэннээҕи салаата Саха сиригэр 2023 сыл тохсунньу ыйга үлэтин өрөспүүбүлүкэ Ил Дарханын Айсен Николаев өйөбүлүнэн саҕалаабыта. Салайааччынан элбэх оҕолоох ийэ Марина Бахилина буолар. Кини икки уола бу эпэрээссийэҕэ кыттар.
2022 сыл муус устар ыйга Марина Бахилина орто уола Хорсун быһыы уордьанын ылбыта. 2022 сыл сэтинньи 25 күнүгэр Марина Бахилина Арассыыйа Бэрэсидьиэнин Владимир Путин байыаннай сулууспалаахтар ийэлэрин кытта көрсүһүүтүгэр кыттыбыта.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Ил Дархан Айсен Николаев Ил Түмэҥҥэ туһаайан этиитигэр туристическай өҥөнү кэҥэтэн, киэҥ эйгэҕэ таһаарыыга болҕомтону…
Ил Дархан СӨ Судаарыстыбаннай Мунньаҕар (Ил Түмэҥҥэ) туһаайыытыгар доруобуйа харыстабылыгар 2030 сылга диэри эрэгийиэннээҕи саҥа…
Бүгүн өрөспүүбүлүкэ Ил Дархана Айсен Николаев Ил Түмэҥҥэ туһаайан этиитин иһиттибит. Түгэнинэн туһанан, “Чурапчы” ТХПК…
Ил Түмэн спикерэ Алексей Еремеев Ил Дархан СӨ Судаарыстыбаннай Мунньаҕар (Ил Түмэҥҥэ) туһаайан этиитигэр бэйэтин санаатын…
Айсен Николаев Ил Түмэҥҥэ Туһаайыытыгар ыам ыйдааҕы Ыйаахха киирсибэтэх бүддьүөт эйгэтин үлэһиттэригэр хамнаска былааннаммыт үрдээһини …
Сергей Местников, СӨ Бырабыыталыстыбатын Бэрэссэдээтэлин солбуйааччыта: -Ил Дархан Туһаайан этиитигэр бырамыысыланнаска, экэниэмикэҕэ, тыа хаһаайыстыбатыгар ылыллыбыт…