Айсен Николаев: «MAX платформа IT-быһаарыылары өйүүр улахан суолталаах»

Эспиэрдэр Арассыыйа MAX мессенджерэ үлэҕэ киириитин дойду сыыппара куттала суох буолуутун хааччыйыыга уонна технологическай тутулуга суох буолуутун бөҕөргөтүүгэ туһуламмыт стратегическай хардыынан ааттыыллар.

СӨ Ил Дархана Айсен Николаев Арассыыйатааҕы  IT-оҥоһуктары өйүүр эрэгийиэннэргэ ордук суолталааҕын  бэлиэтээтэ:

«Биһиги, улахан уонна күүстээх дойду быһыытынан, бэйэбит национальнай мессенджердээх буолуохтаахпыт. Онон МАХ баар буолбута олус үчүгэй, IT-быһаарыылары өйүүр улахан суолталаах дии саныыбын. Өскөтүн бэйэбит үчүгэй уонна хаачыстыбалаах бородуукталаах буоллахпытына, ону, биллэн турар, туһаныахха наада», — диэн кини бэлиэтээтэ.

MAX-ка официальнай ханааллар номнуо үлэлииллэр:

• Саха Өрөспүүбүлүкэтин Ил Дархана Айсен Николаев — https://max.ru/aisen_nikolaev;
• Саха Өрөспүүбүлүкэтин Бырабыыталыстыбата — https://max.ru/sakhagov.

Манна сонуннар, социальнай-экэнэмиичэскэй сайдыы былааннара уонна көҕүлээһиннэр тахсаллар, бу олохтоохтору кытта алтыһыыны ордук түргэн уонна куттала суох оҥорор.

Сыһыарыыны RuStore, Google Play, AppGallery, AppStore-тан уонна оҥорооччу саайтыттан хачайдыахха сөп. Регистрацияланарга төлөпүөн нүөмэрэ уонна SMS-нан бигэргэтии сөп буолар, араспаанньаны баҕа өттүнэн ыйыахха сөп.