Ил Дархан, бырабыыталыстыба дьаһалтатын пресс-сулууспата.
Ил Дархан Айсен Николаев уонна М.В. Ломоносов аатынан Москватааҕы судаарыстыбаннай университет ректора Виктор Садовничай наука эйгэтигэр бииргэ үлэлэһии туһунан кэпсэттилэр.
Сүрүннээн күн-дьыл, килиимэт уларыйыытын, Саха сиригэр килиимэккэ норуоттар икки ардыларынааҕы научнай-практическай кэмпириэнсийэни ыытыы уонна дойду сүрүн университета 2025-2030 сылларга «Север» научнай-үөрэтэр киин үлэтигэр кыттыыны ыларын туһунан кэпсэтии буолла.
Айсен Николаев «Север» киин үлэтин-хамнаһын туһунан билиһиннэрдэ. Бу кииҥҥэ 23 научнай тэрилтэ, 32 тэрилтэ, 13 университет, ол иһигэр, Н.Э. Бауман аатынан МГТУ, МФТИ, Иоффе аатынан ФТИ, о.д.а. холбоһоллор.
Бу киин 2023 сылга Камчатканы, Чукотканы, Магаданы, Сахалины кытта бииргэ үлэлэһэн, саҥаны айыыга 150 патены оҥортордо, 4600 научнай ыстатыйа бэчээттэннэ, 70 технология олоххо киирдэ, 700-тэн тахса үлэ миэстэтэ таҕыста.
Саха сиригэр ирбэт тоҥ туругун уонна килиимэт уларыйыытын чинчийэргэ МГУ кыттыһара улахан суолталаах.
— Аҕыйах сыллааҕыта биһиги эмиэ көрсөн турабыт, Саха сирэ «Вернадский» научнай-үөрэтэр консорциумҥа киирэрин туһунан кэпсэппиппит. Билигин Саха сирэ — түргэнник сайдан иһэр, биһиги дойдубутугар сүҥкэн суолталаах эрэгийиэн. Кини нэлэмэн иэнин туһаҕа таһаарыы, суолун-ииһин оҥоруу — бу сайдыы суола. Уһук Хоту массыына уонна тимир суолу тутуу уустук сорук, ол эрээри МГУ учуонайдарын көмөтүнэн быһаарыллар кыахтаах. Биһиги исписэлиистэрбит уруккуттан ирбэт тоҥ, муус ууллуутун кыһалҕатынан дьарыктаналлар. Эрэгийиэн сайдар суолугар бу боппуруос улахан суолталааҕын учуоттаан, эспэрстиисэ ыытарга бэлэммит, — диэн Виктор Садовничай эттэ.
Түмүккэ Айсен Николаев МГУ реторыгар үрдүк наҕарааданы туттарда. Ил Дархан ыйааҕынан, Виктор Садовничай Саха сирин «За укрепление мира и дружбы народов» бочуоттаах бэлиэтинэн наҕараадаланна.
Ил Дархан, бырабыыталыстыба дьаһалтатын пресс-сулууспата.
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Өспөххө "Кубок знатоков наслега" бырайыак быйылгы оонньуута түмүктэннэ. Бу күн түөртүү киһилээх 6 хамаанда бары…
Аҕа дойду уоттаах сэриитин бэтэрээнин, Саха сирин Бочуоттаах олохтооҕун, 101 саастаах Наум Трифонович Слепцову кэлэн…