Хаартыска: А.Сорокин (СИА)
Олунньу 20 күнүгэр Мииринэй куоракка “Алмаастаах куораттар кэскиллэрэ” диэн АЛРОСА социальнай көҕүлээһиннэрин пуорума буолла. Тэрээһиҥҥэ Ил Дархан Айсен Николаев, “АЛРОСА” генеральнай дириэктэрэ Павел Маринычев, Мииринэй улууһун баһылыга Александр Басыров, алмааһы хостуур хампаанньалартан, Мииринэй улууһун тэрилтэлэрин дэлэгээттэрэ кытыннылар.
Айсен Николаев бэйэтин этиитигэр былырыын түмүллүбүт бүддьүөккэ бэйэ дохуотугар өрөспүүбүлүкэ муҥутуур көрдөрүүтэ 263 миллиард солкуобай ситиһиллибитин бэлиэтээн эттэ. Ити үптэн үс гыммыт биирин кэриҥэ 32,3% – АЛРОСА хампаанньа кылаата. Ил Дархан АЛРОСА кэлэктиибигэр – подразделениелар үлэһиттэригэр, хампаанньа бэтэрээннэригэр, алмаастаах кыраай олохтоохторугар махтанна.
«Мин алмаастаах куораттар сайдыыларын түмүгүттэн олус астынабын. Бастакы пуорум 2021 сыллаахха буолбута. Ити пуорумҥа киирбит үгүс этии көмөтүнэн Мииринэй улууһун сайдыытын туһунан ыйаах тахсыбыта. “АЛРОСА” хампаанньа көмөтүнэн доруобуйа харыстабылын салаатыгар, социальнай бэлиитикэҕэ хайыы үйэ кырата суох үлэ ыытылынна. Ол да буоллар, инникитин алмааһы хостуур дьон олоҕо өссө тупсарыгар элбэҕи оҥоруохтаахпыт. Бүгүн пуорумҥа өрөспүүбүлүкэ бырабыыталыстыбатыгар сорудахха булгуччу киирэр чопчу этиилэр оҥоһулуннулар”, – диэтэ Айсен Николаев.
“АЛРОСА” хампаанньа генеральнай дириэктэрэ-бырабылыанньа бэрэссэдээтэлэ Павел Маринычев алмаастаах кыраай туруктаах сайдыыта, улуус уонна Саха сирин бары олохтоохторун этэҥҥэ буолуулара хампаанньа дьоһун суолталаах соругунан буоларын бэлиэтээтэ.
Баһылыктар Александр Басыров (Мииринэй улууһа), Алексей Тонких (Мииринэй куорат), Артур Приходько (Удачнай куорат), Галия Петровская (Айхал бөһүөлэк) 2021-2023 сылларга улууска олоххо киирбит бырайыактар уонна уларыйыылар тустарынан иһитиннэрдилэр.
Пуорумҥа Мииринэй куорат брендин, доруобуйа харыстабылын уонна уһун үйэлэнии бэлиитикэтин систиэмэтин сайыннарыыга саҥа көрүүлэри билиһиннэрдилэр.
Мииринэйгэ “Алмаастаах куораттар кэскиллэрэ” АЛРОСА пуорума иккис төгүлүн ыытылынна.
Мииринэй улууһа “Полярнай” уонна “Мииринэй” икки улахан аэропортка үлэ тэҥинэн ыытылла турар өрөспүүбүлүкэҕэ уонна дойдуга соҕотох улуус. Ити дойду бэрэсиэдьиэнэ Владимир Путин өйөбүлүнэн ситиһилиннэ.
СӨ Ил Дарханын уонна Бырабыыталыстыбатын пресс-сулууспата
Арассыыйа үрдүнэн мэдиссиинэ эйгэтигэр каадыр тиийбэтин кыһалҕата күүскэ бэлиэтэнэр. Бу боппуруоһу быһаарар биир ньыманан биэнсийэҕэ…
Элбэх оҕолоох ыалларга анал бырагыраама баар буолан, олорор дьиэлэрин сыанатын толуйарга үп-харчы көрүллэр. Ипотеканы төлөөһүҥҥэ…
Бүгүн, бэс ыйын 1 күнүгэр, П.А.Ойуунускай аатынан Саха Академическай тыйаатырыгар бойобуой дьайыы бэтэрээннэрин күнүн бэлиэтээһинэ…
Ааспыт нэдиэлэ устата түөкүттэр буруйу оҥорор дьайыыларыттан өрөспүүбүлүкэ 15 олохтооҕо эмсэҕэлээтэ, кинилэртэн албыннатан былдьаппыт харчыларын…
Өрөспүүбүлүкэ киин куоратын уулуссаларыгар «дрифтээбит» 27 саастаах Дьокуускай олохтооҕо холуобунай дьыалатыгар бириигэбэрэ таҕыста. Кини РФ…
2023 сыллаахха сэтинньи 23 күнүгэр Ил Дархан Айсен Николаев өрөспүүбүлүкэ олоҥхоһуттарыгар, оһуохайдьыттарыгар уонна тимир уустарыгар…