Салгыы
Айсен Николаев Мииринэйгэ байыастары уонна волонтердары кытары көрсүстэ

Айсен Николаев Мииринэйгэ байыастары уонна волонтердары кытары көрсүстэ

Ааптар:
20.02.2024, 14:15
Хаартыскаҕа Андрей Сорокин түһэриитэ, СИА
Бөлөххө киир:

СӨ Ил Дархана Айсен Николаев бүгүн, олунньу 20 күнүгэр, Мииринэйгэ байыаннай дьайыы кыттыылаахтарын, «Народный актив» ыстаап волонтердарын, «Золотые руки Ангела» волонтердар ыстааптарын чилиэннэрин уонна ыччат волонтердарын кытары көрсөн кэпсэттэ.

Айсен Николаев Арассыыйа Бэрэсидьиэнэ Владимир Путин байыаннай дьайыы кыттыылаахтарыгар уонна кинилэр дьиэ кэргэттэригэр өйөбүлү оҥоруу суолтатын туһунан хаста да бэлиэтээбитин санатта.

Хаартыскаҕа Андрей Сорокин түһэриитэ, СИА

Өрөспүүбүлүкэ бары кыһамньытын ууран көмөлөһөр. Биһиги байыастарбыт дьиэ кэргэттэригэр Саха сирэ бүттүүн өйөбүл буоларын билэллэр. Байыастарбытын наадалааҕынан хааччыйыыны салгыыбыт уонна өрөспүүбүлүкэ кинилэргэ көмөҕө кэлэрин билэллэригэр кыһамньыбытын уурабыт. Олох укулаата, экэниэмикэ уларыйар, байыаннай сулууспаны кытта сибээстээх ыйытыылар эмиэ уларыйаллар, ол гынан баран, биһиги сүрэхпитигэр Ийэ дойдуга бэриниилээх буолуу уонна таптал мэлдьи баар. Биһиги кыайыы түргэнник кэлэрин туһугар бары кыһамньыбытын уурабыт, — диэн этэр Ил Дархан.

«Народный актив» волонтердар ыстааптара Мииринэй улууһугар 2022 сыл балаҕан ыйыттан үлэлиир. Ыстаап мобилизацияламмыт дьоҥҥо уонна кинилэр дьиэ кэргэттэригэр көмөлөһөр сыаллаах-соруктаах тэриллибит. Манна туора турбакка көмөлөһөн, кыттыһан иһэр үтүө санаалаах дьон түмсэллэр.

Байыаннай дьайыы саҕаланыаҕыттан суһаллык байыаннай сулууспалаахтар уонна кинилэр дьиэ кэргэттэрин туһунан хомуйан түмпүппүт. Волонтердар мобилизацияламмыттары уонна бэйэлэрин баҕаларынан барааччылары эбии таҥаһынан-сабынан, экипировканан хааччыйарга көмөлөһөллөр. Сибээһи тутан олоробут. Байыастар дьиэ кэргэттэриттэн, чугас дьонноруттан сайаапкалары хомуйабыт. Волонтердарбыт хаста да байыаннай дьайыы сиригэр-уотугар гуманитарнай көмөнү илдьэ бара сылдьыбыттара. Наадалаах тэриллэр тиэрдиллибиттэрэ, ол иһигэр электрогенератордар, оһохтор, о.д.а. Биһигини байыастарга уонна кинилэр дьиэ кэргэттэригэр көмөлөһөр баҕа санаа түмэр, — диэн кэпсиир «Народный актив» ыстаабы сүрүннээччи Василий Сыроватскай.

«Золотые руки Ангела» волонтердар ыстааптара Мииринэйгэ 2022 сыл ахсынньытыттан тэриллэн үлэлиир. Манна наһыылкалары, суумкалары, таҥаһы-сабы, хаххалыыр сиэккэлэри байыастарга анаан бэлэмнииллэр.

иһиги 700-тэн тахса наһыылканы, 500-тэн тахса хаххалыыр сиэккэни, 149  балаакка-былааһы, 378  аптечканы о.д.а.  бэлэмнээбиппит. Уопсайа 20 туоннаттан тахса гуманитарнай көмөнү ыстаап ыыппыта. «Золотые руки Ангела» волонтердар ыстааптара Мииринэй оройуонун бары нэһилиэнньэлээх пууннарыгар үлэлииллэр. Олунньуттан Арыылаахха ыстаап үлэлээн эрэр. Арыылаахха саамай саастаах волонтербутунан 92  саастаах ытык кырдьаҕаспыт Анна Петровна Евсеева буолар. Кини ыстаапка кэлэн хаххалыыр сиэккэни оҥорсор. Дьэ көрүҥ, биһиги дьоммут хайдахтаах түмсүүлээхтэрин, сомоҕолоһуулаахтарын, — диэн кэпсиир «Золотые руки Ангела» ыстаабы сүрүннээччи Алена Гершпигель.

Байыаннай дьайыы кыттыылааҕа, байыас Ил Дархан Айсен Николаевы кытары көрсөн баран, өрөспүүбүлүкэ өртүттэн наһаа көмөлөһөллөрүн, өйүүллэрин бэлиэтээбит.

«Аҕа дойдуну көмүскээччилэр» пуонда куратордара социальнай боппуруостарга, демобилизацияламмыттарга үлэнэн хааччыллалларыгар куруук көмөлөһөллөр. Саха сиригэр бүттүүнүгэр, өрөспүүбүлүкэ салалтатыгар өйөбүлгүт, истиҥ сыһыаҥҥыт иһин махтал, — диэбит кини.

Ил Дархан Айсен Николаев көрсүһүү кэмигэр байыаннай дьайыы байыастарыгар сулууспаларын иһин махтанан туран саха быһахтарын бэлэх туттарда.

Сиһилии https://www.sakha.gov.ru/news/front/view/id/3388470  манна ааҕыҥ.

СӨ Ил Дарханын уонна бырабыыталыстыбатын пресс-сулууспата

Хаартыскаларга Андрей Сорокин түһэриитэ, СИА

+1
0
+1
1
+1
0
+1
1
+1
0
+1
0
+1
0
Бары сонуннар
Салгыы
21 апреля
  • 7°C
  • Ощущается: 5°Влажность: 42% Скорость ветра: 3 м/с

Сообщить об опечатке

Текст, который будет отправлен нашим редакторам: