Айсен Николаев миниистир  Павел  Багынановы кытары көрүстэ

Ил Дархан Айсен Николаев СӨ баайга-дуолга уонна сир сыһыаннаһыыларыгар миниистирэ  Павел  Багынановы кытары көрүстэ.

2025 сыл түмүгүнэн «Уһук Илин гектара» бырагырааманан  5 789 сир учаастага бэриллибит. Инньэ гынан гектары ылыыга Саха сирэ Уһук Илин  Федеральнай уокуругар инники күөҥэ тахсыбыт.

— Элбэх оҕолоох ыалларга, анал байыаннай эпэрээссийэ кыттыылаахтарыгар уонна кинилэр дьиэ кэргэттэригэр сири биэриигэ балаһыанньа үчүгэй көрдөрүүлээҕин бэлиэтиэм этэ. Маны таһынан  учаастак оннугар биир кэмнээх харчынан төлөбүрдэри биэриигэ.  Сир учаастактарын, кадастры, инфраструктураны уонна нэһилиэнньэлээх пууннары сайыннарыыга  наадалаах  чахчылары  түмэр  өрөспүүбүлүкэ цифровой «игирэтин» — биир кэлим  цифровой моделын тэрийэр бырайыагы дьүүллэстибит.  Маннык инструмент кэлим кадастровай үлэни түргэнник ыытарга, каарталары түргэнник саҥардарга уонна былааннааһыҥҥа улахан суолталаах, — диэн Ил Дархан МАХ-ка ханаалыгар суруйда.