Бүгүн, ахсынньы 10 күнүгэр, 14:00 чаастан Ил Дархан Айсен Николаев «Россия 24» ханаалыгар ГТРК «Саха» «Прямой разговор» биэриигэ кытынна, олохтоохтор ыйытыыларыгар хоруйдаата.
Бастаан утаа Айсен Николаев бу күннэргэ Москва куоракка Саха сирин күннэригэр санаатын эттэ. «Москва куоракка Саха сирин күннэрэ Саха АССР тэриллибитэ 100 сылын чэрчитинэн ыытылла тураллар. Бу тэрээһин өссө икки сыллааҕыта былааннаныллыбыта. Киэҥ далааһыннаах бырагыраама бэлэмнэниллибитэ. Култуура өттүнэн этэр буоллахха, «Дьулуруйар Ньургун Боотур» опера премьерата олус үрдүк таһымнаахтык Санкт-Петербург Мариинскай тыйаатырыгар уонна Москва куорат Большой тыйаатырын саҥа сыанатыгар туруорулунна. Москва олохтоохторо олус сөҕө-махтайа көрдүлэр. Баар балаһыанньанан сылтаан бырагыраамабыт култуурунай сорох тэрээһиннэрин кыччатарга күһэллибиппит эрээри, бу сүрүн премьераны туруордубут. Успенскай Храмҥа анал литургия тэриллиитэ Саха сирин устуоруйатын билиниигэ уонна Арассыыйа сайдыытыгар, бөҕөргүүрүгэр улахан оруоллааҕын туоһулуур.
Ону тэҥэ, Москва куоракка кэккэ федеральнай салайааччылары кытта кэпсэтии буолла. Ол курдук, Москва мээрэ Сергей Собянинныын көрсөн, экэнэмиичэскэй, култуурунай, гуманитарнай сыһыаннаһыыларга инники өттүгэр бииргэ үлэлиир туһунан кэпсэттибит. Саха сирин кыаҕын көрдөрөр анал презентацияҕа РФ тас дьыалаларга миниистирэ Сергей Лавров кыттыыны ылбыта эмиэ элбэҕи туоһулуур. Бу тэрээһиҥҥи 20 дойду посоллара, бэрэстэбиитэллэрэ кытыннылар. Саха сиригэр интэриэстэрэ улахан. Төһө да уустук балаһыанньа баарын үрдүнэн элбэх дойду Арассыыйаны кытта бииргэ үлэлииргэ бэлэмнэр. Ону тэҥэ, Москва куорат сүрүн мусуойугар Аҕа дойду дьоруойдарын күнүн иннинэ анал аахсыйаны тэрийдибит. Олус элбэх биир дойдулаахтарбыт кэлэн кытыннылар. Бу — Саха сирин дьоно-сэргэтэ ыарахан, уустук кэмҥэ дойду көмүскэлигэр чиэстээтик туруммуттарын туоһулуур. Билигин да Москва куоракка тустаах тэрээһиннэр буола тураллар. Ол курдук, кэлэр нэдиэлэҕэ РФ Сэбиэтин Федерациятыгар мунньах буолуоҕа«, — диэн эттэ.
Ил Дархан Айсен Николаев б.дь. ыам ыйын 3 күнүнээҕи ыйааҕынан СӨ тыа хаһаайыстыбатын уонна ас-үөл…
Муус устарга 872 оҕо күн сирин көрбүт. Дьиэ кэргэн уонна Оҕо саас сылларыгар Саха сиригэр…
Байыастарга бырааһынньыктааҕы ас-үөл набордарын ыам ыйын 11 күнүгэр диэри туттартыахтара. Кыайыы күнүн көрсө ас-үөл набордарын…
Бүгүн Араадьыйа күнүн көрсө "Саха" НКИХ салалтата Аҕа дойду Улуу сэриитин кыттыылааҕа, Сэбиэскэй сойуус Дьоруойа,…
Суоттуга тыыл бэтэрээннэригэр, сэрии кэмин оҕолоругар, Дьоруой ийэҕэ, байыаннай дьайыыга кытта сылдьар дьоммут дьиэ кэргэттэригэр…
Бу күннэргэ Ньурба улууһун баһылыга Алексей Иннокентьев улуус нэһилиэктэригэр сылдьан үлэни-хамнаһы кытта билсэр. Ол курдук,…