Ил Дархан, бырабыыталыстыба дьаһалтатын пресс-сулууспата.
Кэлиҥҥи үс сыл сылга Ленскэйи уонна Мииринэйи ситимниир 90 км усталаах «Мухтуйа» эрэгийиэннээҕи айан суола олохтоохтук өрөмүөннэнэрин туһунан «Быһа эпииргэ» Ил Дархан Айсен Николаев иһитиннэрдэ.
— Былырыын хаачыстыбата суох үлэлээбит бэдэрээччити кытта дуогабар тохтотуллубута.
Куонкурус ыытыллыбытын кэнниттэн суолу оҥоруу үлэтин МУАД АК АЛРОСА салҕаабыта. Айан суолун көрөн-истэн эрэ буолбакка, өрөмүөннүү сылдьар эмиэ наада. Өр сылларга өрөмүөнү билбэтэх суол туһаттан тахсыбыт этэ. Быйыл өрөмүөн үлэтэ 25 километр устаҕа ыытыллыаҕа. Кэлэр икки сылга 70 км үлэҕэ киириэҕэ. Уустук сорук. Өрөмүөн үлэтэ хаачыстыбалаахтык оҥоһуллан, болдьоммут кэмигэр бүтүөн наада, — диэн хоруйдаата Айсен Николаев «Быһа эпииргэ» киирбит ыйытыкка. Өрөспүүбүлүкэ Ил Дархана бу суол суолтатын бэлиэтээтэ.
«Бу айан суолунан Ленскэй уонна Мииринэй улуустарын олохтоохторо эрэ айаннаабаттар. Бырамыысыланнас хампаанньатын үлэһиттэрэ эмиэ бу суолу туһаналлар. Ньиэп уонна гаас турбалара ууруллар, сир баайын хостооччулар тиэхиньикэлэрэ айанныыр буолан, суол улахан ноҕоруускалаах. Өрөмүөн үлэтэ түмүктэннэҕинэ, айан ноҕорууската намтыаҕа, — диэн бэлиэтээтэ Ил Дархан Айсен Николаев.
Бүгүн Саха сиринээҕи Киин быыбардыыр хамыыһыйа бэрэссэдээтэлэ Евгений Федоров бэҕэһээ, балаҕан ыйын 14 күнүгэр, Быыбар…
Балаҕан ыйын 13 күнүгэр, Чурапчы Күнүн чэрчитинэн, ырыаҕа ылламмыт, хоһооҥҥо холбоммут Тоҕус томтордоох Чурапчыга, Егор…
Ааспыт өрөбүллэргэ Дьокуускайга 22 суол саахала буолбута бэлиэтэммит, онно үс киһи эмсэҕэлээбит. Бу туһунан киин…
«Воин» киин уонна Саха Өрөспүүбүлүкэтин Бырабыыталыстыбата балаҕан ыйын 15-21 күннэригэр ыытыллар «Путь воина» байыаннай-тактическай күрэхтэһиилэр…
Дьокуускайга 23 саастаах таксыыһы туттулар. Эдэр киһи полиция үлэһиттэриттэн куота сатаабыт. Бу туһунан СӨ ИДьМ…
Саха сирин олохтоохторо улуустар уонна нэһилиэктэр баһылыктарын, итиэннэ оройуон уонна нэһилиэк дьокутааттарын таллылар. "Улуус баһылыктарынан…