Хаартыска: Аграфена Шелковникова тиксэриитэ.
Ил Дархан Айсен Николаев өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын II сийиэһин сүрүн мунньаҕар, кыттааччылар оскуолаларга хапытаалынай өрөмүөн боппуруоһугар болҕомтону ууралларыгар эттэ.
“Биһиги 15 муниципальнай тэриллиигэ 37 оскуоланы өрөмүөннүүргэ 2,2 млрд. солк. көрүллэрин ситистибит. Ол түмүгэр быйыл 26 улууска 57 оскуолаҕа хапытаалынай өрөмүөн ыытыллыаҕа. Бу улахан үлэ хаачыстыбата уонна кэмигэр бүтэрэ быһаччы эһигиттэн, олохтоох бэйэни салайыныы уорганнарыттан тутулуктаах. Биллэн турар, улуус олохтоохторо сыаналыахтара, түмүгэ кинилэр кэтэспиттэрин курдук толору буолуохтаах”, — диэн Айсен Николаев эттэ.
Санатан аастахха, 2022 сыл ахсынньытыгар 2023 сылга Саха сирин оскуолаларын хапытаалынай өрөмүөннээһинигэр үп көрүллүүтүн туһунан РФ Үөрэҕириигэ министиэристибэтин кытта эбии сөбүлэҥ түһэрсиллибитэ.
Былырыын “Биир ньыгыл Арассыыйа” баартыйа сийиэһигэр ылыныллыбыт дойду бэрэсидьиэнин быһаарыытынан, өрөспүүбүлүкэ оскуолаларын өрөмүөнүгэр уонна хааччыллыытыгар 2,5 млрд. солк. үбү ыыппыттара. 38 оскуолаҕа үлэ номнуо бүппүтэ, 20 тыһ. тахса үөрэнээччи үөрэнэригэр уонна сайдарыгар бастыҥ усулуобуйаны тэрийбиттэрэ. 20 оскуолаҕа былаан быһыытынан өрөмүөн быйыл бүтүөхтээх.
Ил Дархан уонна Бырабыыталыстыба пресс-сулууспата.
СӨ суһал ыстааба байыаннай дьайыы кыттыылаахтарыгар уочараттаах гуманитарнай көмөтүн ыытар. Бу туһунан СӨ Гражданскай оборуона…
Саха сиригэр балаҕан ыйын 22 күнүгэр баһаартан кутталлаах сезон дьиҥ таһымнаахтык сабыллыбыта. Онон сибээстээн, Россельхознадзор…
Туос хастанар кэмэ -- бэс ыйын ортотуттан от ыйын ортотугар диэри. Бу кэмҥэ уута сүүрэн…
Владимир Прокопьев, олохтоох бэйэни салайыныыга Ил Түмэн бастайааннай кэмитиэтин бэрэссэдээтэлэ: --Төрүт Сокуоҥҥа уларытыылар киириэх буолбуттара…
Дойду билимин уонна үрдүк үөрэҕин министиэристибэтэ тустаах министиэристибэ иһинэн үлэлиир үрдүк үөрэх кыһаларыгар 2026 сылга…
Судаарыстыбаннай Мунньах (Ил Түмэн) XIV (уочараттаах) пленарнай мунньаҕар бүтэһик ааҕыыга “О внесении изменений и дополнений…