Айсен Николаев «Муравьев-Амурскай-2030» курсааннарын кытта көрүстэ

СӨ Ил Дархана Айсен Николаев Москваҕа Сколково салайыныы оскуолатыгар «Муравьев-Амурскай-2030» Уһук Илини сайыннарар каадырдары бэлэмниир бырагыраама курсааннарын кытта көрүстэ. Бу туһунан Айсен Сергеевич телеграм-ханаалыгар суруйар.

«Бырагыраама настаабынньыга буоламмын курсааннары кытта үөрүүнэн алтыстым, үлэбэр тутуһар бириинсиптэрбин кэпсээтим, бэйэм уопуппуттан үллэһинним, ыйытыыларыгар хоруйдаатым», — диэн Ил Дархан суруйар.

Бырагыраама кыттааччылара бары улахан сүүмэрдээһини ааһан, икки тыһыынчаттан тахса кэриҥэ киһиттэн талыллыбыттара. Кинилэр истэригэр Саха сириттэн сылдьар икки киһи баар. Курсааннар Айсен Николаевка бэлэмнээбит бырайыактарын кэпсээтилэр, ол иһигэр Саха сиригэр туризмы сайыннарыы туһунан эмиэ баар.