Сэтинньи 18 күнүгэр тутууга суһал ыстаап мунньаҕар национальнай бырайыактар уонна судаарыстыбаннай бырагыраамалар туолууларын хаамыытын көрдүлэр.
Ил Дархан Айсен Николаевка Уус Алдан улууһун Бороҕон сэлиэнньэтигэр тутулла турар элбэх хайысхалаах успуорт-чэбдигирдэр комплекс уонна 450 миэстэлээх оскуола тутуутун туһунан иһитиннэрдилэр.
Успуорт комплексыгар тутааччылар бу күннэргэ бастакы мэндиэмэҥҥэ ситэрэр-тупсарар үлэҕэ киириэхтэрэ, ону кытта тэҥҥэ кирилиэс былаһааккаларын, эркинин, быыһын олордоллор, сэндвич-панелы уонна хоруобуйатын бүрүөһүнүн таҥаллар. Эбийиэк тутууга бэлэмэ 66 %-тан тахсаҕа тэҥнэһэр. Оскуолаҕа ситэрэр-тупсарар үлэ оҥоһуллар, салгын оонньуур (вентиляция), уунан хааччыйар систиэмэни таҥаллар уонна уот ситимин тардаллар. Эбийиэк 81% бэлэм.
Айсен Николаев Сунтаар улууһун Сунтаар сэлиэнньэтигэр бассейннаах успуорт комплекс тутуутугар кыраапыктан улахан хаалыы баарын ыйар. Эбийиэги тутан бүтэрэргэ сэтинньи 23 күнүгэр диэри миэрэлэри толкуйдуурга Тутуу министиэристибэтигэр сорудах биэрдэ.
“Сыл бүтэн эрэр, оттон кэккэ эбийиэктэргэ кыраапыктан улахан хаалыы баар. Бу — Сунтаар сэлиэнньэтигэр бассейннаах успуорт комплекса, Бороҕон сэлиэнньэтигэр успуорт комплекс уонна оскуола. Ханна барытыгар сүрүн кыһалҕа – бэдэрээтчиттэр компетентнайа суохтара. Эбэһээтэлистибэлэрин толорбот түгэннэригэр кытаанах миэрэлэри ылыахпыт. Национальнай бырайыак эбийиэктэрэ хаачыстыбалаахтык уонна болдьоҕор тутуллуохтаахтар”, — диэн Айсен Николаев суһал ыстаап чилиэннэригэр туһаайан эттэ.
Ил Дархан уонна Бырабыыталыстыба пресс-сулууспата.
Балаҕан ыйын 13 күнүгэр, Чурапчы Күнүн чэрчитинэн, ырыаҕа ылламмыт, хоһооҥҥо холбоммут Тоҕус томтордоох Чурапчыга, Егор…
Ааспыт өрөбүллэргэ Дьокуускайга 22 суол саахала буолбута бэлиэтэммит, онно үс киһи эмсэҕэлээбит. Бу туһунан киин…
«Воин» киин уонна Саха Өрөспүүбүлүкэтин Бырабыыталыстыбата балаҕан ыйын 15-21 күннэригэр ыытыллар «Путь воина» байыаннай-тактическай күрэхтэһиилэр…
Дьокуускайга 23 саастаах таксыыһы туттулар. Эдэр киһи полиция үлэһиттэриттэн куота сатаабыт. Бу туһунан СӨ ИДьМ…
Саха сирин олохтоохторо улуустар уонна нэһилиэктэр баһылыктарын, итиэннэ оройуон уонна нэһилиэк дьокутааттарын таллылар. "Улуус баһылыктарынан…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…