Айсен Николаев Нам оройуонун Хатырык сэлиэнньэтигэр Дьяконовтарга сырытта. Элбэх оҕолоох ыалга Ил Дархан халаан кэнниттэн көмө хайдах оҥоһуллубутун билээри таарыйда.
Түөрт оҕолоох Дьяконовтар чааһынай дьиэҕэ олороллор. Муосталарыттан миэтэрэ үрдүктээх уу түспүтүн кэннэ дьиэлэрин куурдууга көмөлөспүттэрэ, онтон чөлүгэр түһэриигэ үп биэрбиттэрэ.
«Кэмигэр көмөлөһөннөр дьиэбитин чөлүгэр түһэрдибит. Көмө хас биирдии ыалга бэриллибитэ диэн бэлиэтиибин. Материальнай уонна үбүнэн толору өйөбүл оҥоһулунна. Ким да болҕомтото суох хаалбата», — диэтэ ыал аҕата Александр Дьяконов.
Ыксаллаах быһыынан-майгынан Дьяконовтарга бүддьүөттэн төлөбүр көрүллүбүтэ. 60 тыһыынча кээмэйдээх материальнай көмөнү, баайдарын-дуолларын сүтэрэн 600 тыһыынча солкуобайы ылбыттара. Ону тэҥэ биир дойдулаахтара, биирдиилээн дьон көмөлөспүттэрэ, бородуукта, инструменнары, таҥаһы биэрбиттэрэ.
«Өрөспүүбүлүкэ өттүттэн, биир дойдулаахтарын, аймахтарын көмөлөрүнэн барытын чөлүгэр түһэрдилэр. Онон билигин дьиэ кэргэн сылаастык бэйэтин дьиэтигэр олорор» , — диэтэ Айсен Николаев.
Санаттахха, Нам улууһугар халаантан 16 нэһилиэнньэлээх пуун эмсэҕэлээбитэ. Дьон олорор дьиэлэрэ, инфраструктура, эбийиэктэр эмсэҕэлээбиттэрэ.
Судаарыстыбаннай былаас ситэриилээх уорганнара олохтоох салайыныы дьаһалталарын кытта субуотунньуктары, куурдууну, өрөмүөнү тэрийбиттэрэ.
Бары халааҥҥа түбэспит дьон төлөбүрдэри ылбыттара, олор суумалара Айсен Николаев сорудаҕынан биэс төгүл үрдэтиллибиттэрэ. Ол курдук, биир киһиэхэ материальнай көмө 5-тэн 10 солкуобайга диэри, баайы-дуолу сүтэрии иһин 20 тыһ. солк. 100 тыһыынчаҕа, сороҕун сүтэриигэ 10-тан 50 тыһ. диэри.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска:Мария Васильева, СИА
Арассыыйа аармыйатын Киин Академическай тыйаатыра Саха сиригэр кэлиэн иннинэ тыйаатыр дириэктэрэ Милена Авимскаялыын маннык кэпсэппиппит.…
Бүгүн, от ыйын 6 күнүгэр, Таатта улууһун хайысхатынан араас массыына, оптуобус халҕаһалыы субуллар. Манчаары төрүт…
Мэлдьи ахтар-саныыр доҕорбунаан Ньукулайдыын 80-с сыллартан “Кыым” хаһыакка үлэлиэхпититтэн билсибиппит. Хомсомуолга иитиллибит, хомуньуус баартыйа кыһатыгар…
Ураты быһыылаах түргэн мантыы ырысыабынан социальнай ситимнэринэн фудблогер уонна спортсмен Владимир Никитин үллэһиннэ. Өрөбүл күҥҥэ…
Норуот ырыаһыта Сергей Зверев төрөөбүтэ 125 сылынан Сунтаар улууһун Түбэй Дьаарханыгар ыытыллыбыт Ыһыах кыттыылаахтара Ыгыаттаҕа…
Сахабыт сиригэр самаан сайыммытын уруйдуур-айхаллыыр, араас ыһыахтар дьэ бүтэн эрэллэр. Мин эмиэ сааспын баттаһа, биир…