Хаартыска: ЯСИА
Саха сирин Ил Дархана Айсен Николаев бааһырбыт анал байыаннай дьайыы кыттыылааҕын дьиэ-уот кыһалҕатын быһаарыыга эбээһинэстэригэр сиэрэ суох сыһыаннаспыт Нерюнгри дьаһалтатын үлэтин кириитикэлээтэ.
Куорат дьаһалтата бэтэрээҥҥэ олорорго табыгаһа суох дьиэни биэрбит. Айсен Николаев билигин байыастары өйүүр улахан суолталааҕын бэлиэтээтэ уонна «суһал уонна кырдьыктаах быһаарыыны буларга» сорудахтаата. Дьиэ-уот боппуруоһунан үҥсүү «Биир ньыгыл Арассыыйа» баартыйа бэрэссэдээтэлэ Дмитрий Медведев эрэгийиэннээҕи уопсастыбаннай приемнайыгар киирбит.
Атырдьах ыйын 12 күнүгэр Айсен Николаев гражданнары тус бэйэтэ көрсөн кэпсэттэ. Сайабылыанньаны Нерюнгриттан сылдьар байыаннай дьайыы кыттыылааҕын Александр Чепрасов ийэтэ Ирина Кадирбаева суруйбут. Кини кэпсээбитинэн, былырыын ахсынньыга уола байыаннай дьайыы бэтэрээнэ быһыытынан Нерюнгри дьаһалтатыттан дьиэнэн хааччыйар туһунан көрдөһөн туруорсубут. Бэйэтэ бас билэр дьиэтэ суох эбит. Куорат дьаһалтатат уопсай дьиэҕэ хос биэрбит, онто олорорго букатын табыгаһа суох буолан тахсыбыт.
Айсен Николаев бэлиэтээбитинэн, Саха сирэ байыаннай дьайыы кыттыылаахтарын уонна бэтэрээннэри өйүүр боппуруостарга мэлдьи ураты болҕомтотун уурар. «Биһиги анал байыаннай дьайыы кыттыылаахтарыттан уонна байыаннай дьайыылар бэтэрээннэриттэн киирэр туһаайыыларга болҕомтолоохтук сыһыаннаһыах тустаахпыт. Кинилэр Ийэ дойдуларын иннигэр ытык иэстэрин чиэстээхтик толорбут дьон, онон бастыҥ усулуобуйаҕа олоруохтаахтар. Нерюнгрига тахсыбыт балаһыанньанан суһал уонна кырдьыктаах быһаарыыны булуохха наада», — диэтэ өрөспүүбүлүкэ баһылыга. Николаев Александр Чепрасовка байыаннай дьайыы кыттыылаахтарын социальнай өйөбүл миэрэлэрин чэрчитинэн көмө оҥорорго дьаһайда.
Ону таһынан, «Биир ньыгыл Арассыыйа» баартыйа бэрэссэдээтэлин приемнайыгар Хаҥалас улууһун Мохсоҕоллоох бөһүөлэгин Бэтэрээннэрин сэбиэтиттэн сайабалыанньа киирдэ. Светлана Корнева култуурунай-патриотическай хабааннаах боппуруоһу көтөхтө. Актыбыыстар Аҕа дойду Улуу сэриитигэр Кыайыы 80 сылыгар анаммыт «Көлүөнэлэр ситимнэрэ» альманаҕы таһаарыыга көмөлөһөргө көрдөстүлэр. «„Көлүөнэлэр ситимнэрэ“ бырайыак – устуоруйа өйдөбүлүн уонна көлүөнэлэр утумнарын харыстыырга туһуламмыт суолталаах көҕүлээһин. Альманах кэмигэр тахсарын, ону өрөспүүбүлүкэ олохтоохторо көрөллөрүн курдук, улуус дьаһалтата наадалаах көмөнү оҥоруохтаах», — диэн Ил Дархан эттэ.
Айсен Николаев «Биир ньыгыл Арассыыйа» баартыйа бастакы салаатын сэкирэтээригэр Александр Пермяковка альманаҕы Иккис Аан дойду сэриитэ түмүктэммит күнүгэр – балаҕан ыйын 3 күнүгэр сүрэхтэниитин болдьохтоон, таҥан оҥорорго сорудахтаата.
Төрдүс сылын анимация уонна дубляж устуудьуйалара үлэлиир «Тооку» оҕо телеханаала «Тооку уонна Чысхаан» диэн саҥа…
Балаҕан ыйын 1 күнүттэн күүһүгэр киирэр уурааҕынан дойдуга орто хамнаһы быһаарар саҥа бэрээдэк үлэһиттэргэ хас…
Бүтүн Арассыыйатааҕы «Аҕа дойдуга сулууспа» сырдатар аахсыйатын чэрчитинэн, Арассыыйатааҕы «Билии» уопсастыбатын өйөбүлүнэн, Дьокуускай куорат «Арктика…
Аллайыаха оройуонун Чокуурдаах бөһүөлэгэр бу сыл бүтүөр диэри кирдээх ууну ыраастыыр ыстаансыйаны үлэҕэ киллэрэри былаанныыллар.…
Александра Иванова номнуо сүүрбэ биэс сыл устата сөбүлүүр дьыалатыгар – тапталлаах «Сэттис халлаан» кафеҕа дьону-сэргэни…
Бүгүн Саха сириттэн төрүттээх «Хаҥыл» позывнойдаах байыаннай сулууспалаах Саха сирин олохтоохторугар туһаайан, байыаннай дьайыы буойуннарыгар…