Айсен Николаев Нерюнгри олохтоохторун Шахтер күнүнэн эҕэрдэлээтэ

Айсен Николаев Нерюнгри олохтоохторун Шахтер күнүнэн эҕэрдэлээтэ

Ааптар:
31.08.2025, 09:40
Хаартыска: sakha.gov.ru
Бөлөххө киир:

Шахтер күнүн Нерюнгригэ бэлиэтиир күҥҥэ СӨ Ил Дархана Айсен Николаев өрөспүүбүлүкэҕэ чоҕу хостуур бырамыысыланнаһын бэтэрээннэрин уонна үлэһиттэрин идэлээх бырааһынньыктарынан эҕэрдэлээтэ.

«Нерюнгри куората шахтердар баар буолан төрүттэммитэ. Куорат албан аата өссө да үгүс уонунан сылларга шахтер үлэтин кытта ыкса ситимнээх буолуоҕар эрэллээхпин. Биһиги бу бырааһынньыгы үрдүк таһымнаахтык бэлиэтиибит. Биһиги өрөспүүбүлүкэбит чоҕу хостооһуҥҥа саарбаҕа суох лидеринэн буолар. Ааспыт сыл түмүгүнэн Саха сирэ дойдуга иккис миэстэҕэ тахсан, чоҕу хостооһун биир бастыҥ киининэн буолла. Чох хампаанньалара саҥа разрезтары арыйаллар, тимир суоллары туталлар, саҥа үлэ миэстэлэрин таһаараллар. Нерюнгри 50 сыллаах үбүлүөйүгэр өрөспүүбүлүкэ шахтердара устуоруйаҕа аан бастаан 50 мөл. туонна чоҕу хостооһун кирбиитин ааһыахтара диэн саарбахтаабаппын», — диэтэ Айсен Николаев үөрүүлээх мунньах кыттыылаахтарыгар эттэ.

Ил Дархан бэлиэтээбитинэн, чох бырамыысыланнаһын сайдыытын, уонунан тыһыынча киһи үлэтин түмүгэр бүгүн куораттар уонна бөһүөлэктэр тупсан-чэчирии тураллар. «Чахчы, биһиги өссө да элбэҕи оҥоруохпут — кыах баар. Уонна саамай сүрүнэ, чох бырамыысыланнаһын, оройуон, өрөспүүбүлүкэ устуоруйатын бэйэлэрин илиилэринэн айар-тутар дьон бааллар. Байыаннай дьайыы уустук кэмигэр Саха сирэ дойдубут эрэллээх экэнэмиичэскэй тыыла буолан турар кэмигэр, эһиги кылааккыт ордук суолталаах. 80 сыл анараа өттүгэр, Аҕа дойду Улуу сэриитин сылларыгар, Саха сирэ фроҥҥа көмөҕө тыылга маннык киининэн буолан турбута», — диэн Айсен Николаев бэлиэтээтэ. Түмүгэр Айсен Николаев өрөспүүбүлүкэ шахтердарыгар Арассыыйа уонна Саха сирин судаарыстыбаннай наҕараадаларын туттарда.

Бары сонуннар
Салгыы
31 августа
  • 19°C
  • Ощущается: 19°Влажность: 77% Скорость ветра: 2 м/с

Сообщить об опечатке

Текст, который будет отправлен нашим редакторам: