Дмитрий Ляшеев хаартыскаҕа түһэриитэ
Атырдьах ыйын 25 күнүгэр Ил Дархан Айсен Николаев Нерюнгрига сырыытын кэмигэр кэргэнин Людмила Николаеваны уонна Нерюнгри оройуонун баһылыгын Роман Щегельнягы кытары байыаннай дьайыы кыттыылааҕа Александр Николаев дьиэ кэргэнигэр сырыттылар.
Бу туһунан Ил Дархан пресс-сулууспата иһитиннэрэр.
Александр Николаев байыаннай дьайыы кыттыылааҕа, кини ааспыт сыл күһүнүгэр мобилизациянан ыҥырыллыбыта. ВДВ-га сулууспалаабыт байыаннай уопуттаах киһи быһыытынан Александр өр толкуйдуу барбакка, ийэ дойдутун көмүскүү барбыта. Быйыл ыам ыйыгар кинин уоппускаҕа дойдутугар кэлэ сылдьыбыта. Николаевтар икки кыыс оҕолоохтор, өссө үһүстэрин кэтэһэллэр.
Александр кэргэнэ Наталья бэйэтин кыра быраата эмиэ байыаннай дьайыыга кытта сылдьарын, кинилэр түргэнник эргиллэн кэлэллэрин күүтэрин туһунан кэпсээтэ.
«Өрөспүүбүлүкэҕэ байыаннай дьайыы кыттыылаахтарын уонна кинилэр дьиэ кэргэннэрин өйүүр араас көмө дьаһаллара баарыгар махтанабыт. Бары төлөбүрдэри болдьоҕор ылан иһэбит. Ону таһынан кэргэним саха быһаҕын бэлэхтээбиттэригэр Ил Дархаҥҥа махталын тириэрдэр. Кини тус ааттаах быһахтааҕынан олустук киэн туттар», — диэн эттэ Наталья Николаева.
Айсен Николаев Наталья Николаева кэргэнин уонна быраатын кэтэһэрин таһынан иллэҥ кэмигэр биһиги байыастарбытыгар көмөлөһөр волонтердар хамсааһыннарыгар үлэлэһэр.
«Оройуон волонтердарын кытары Наталья байыаннай дьайыыга кытта сылдьар уолаттарбытыгар анаан бакыаттаах миин оҥорсор, сылаас таҥас-сап баайар, тигэр, маскировочнай ситими баайсар. Маннык эрэллээх тыыллаах биһиги өлөн-охтон биэриэхпит суоҕа», – диэн эттэ Ил Дархан.
«Газпромбаан» вице-бэрэсидьиэнэ, «Үрдүкү технологиялаах мэдиссиинэ көмөтө» аһымал пуондатын сэбиэтин бэрэссэдээтэлэ Сергей Фурсенко Саха сиригэр оробуочай…
Эһиилги «Дыгын оонньууларын» чөмпүйүөнэ үс мөлүйүөн солкуобайы уонна 7 мөлүйүөн солкуобайтан тахса сыаналаах Дьокуускай куоракка…
Түөкүттэр тус дааннайдары сыыппараҕа көһөрөбүт диэн военкомакка “ыҥырар” саҥа исхиэмэни толкуйдаабыттарын ИДьМ матырыйаалларыгар сигэнэн ТАСС…
Дьокуускай олохтооҕо киһини өлөрөргө соруммутунан буруйдааҕынан билинилиннэ. Кини ритаульнай киинигэр киһиэхэ быһахтаах саба түспүт. 57…
Бүгүн Ем.Ярославскай аатынан хотугу норуоттар култуураларын уонна историяларын холбоһуктаах судаарыстыбаннай түмэлигэр саха балаҕаныгар истиҥ-иһирэх тэрээһин…
Сарсын, ахсынньы 25 күнүгэр, Москва бириэмэтинэн 10:00 чааска, Ил Дархан Айсен Николаев өрөспүүбүлүкэ 2025 сыллааҕы…