Андрей Сорокин (СИА) хаартыската
Ил Дархан Айсен Николаев Ленскэй оройуонугар сырыытыгар ньиэп салаатын тэрилтэлэрин кытары көрүстэ. Өрүттэр Саха сиригэр ньиэп-гаас салаатыгар 2018-2023 сс. үлэ түмүгүн таһаардылар, саҥа инвестбырайыактар тустарынан дьүүллэстилэр.
Бу туһунан Ил Дархан пресс-сулууспата иһитиннэрэр.
«Ньиэп-гаас салаатын сайдыыта, бүгүн, саарбаҕа суох, биһиги сүрүн сорукпут буолар. Биһиги дойдуга ньиэп-гаас киининэн буолан эрэбит. Саха сирэ сайдарыгар кылааккытын үрдүктүк сыаналыыбын. Ньиэп-гаас хампааннаьаларыттан киирэр нолуок дохуота сыл аайы улаатан иһэр. Билиҥҥи сааҥсыйалар кэмнэригэр биһиги оройуоннарбыт инфраструктуралара сайдарыгар уонна туруктаах буоларыгар кыаҕы биэрэр», – диэн эттэ Ил Дархан.
2022 с. түмүгүнэн ньиэп-гаас хампаанньаларыттан Саха сирин бүддьүөтүгэр нолуоктан 14% дохуот киирбитэ.
2018-2022 сс. ньиэби хостооһун динамиката 78 мөл. туонна буолбута. Быйыл Саха сиригэр 18,9 мөл. туонна ньиэп хостоноро былааннанар. 2020 с. «Саханефтегазсбыт» АУо ИСТА турбатын тиһигиттэн аан бастаан ньиэби хачайдаабыта.
Ил Дархан өрөспүүбүлүкэни гаастааһын үлэтэ күүскэ барарын бэлиэтээтэ. Ол курдук өрөспүүбүлүкэҕэ 104 сэлиэнньэ гааска холбонно, 7,6 тыһ. км ситим туһаныллар. Айсен Николаев былырыын социальнай гаастааһыҥҥа сыл түмүгүн таһаарарыгар, 3 178 гаас ситимэ сир учаастактарыгар диэри босхо тардыллыбытын, онно 2 877 дьиэ холбоммутун, бу гаастааһын 55 сыллаах историятыгар рекорд буоларын бэлиэтээбитэ.
Айсен Николаев ньиэп-гаас хампаанньалара улахан социальнай эппиэтинэһи толороллорун эттэ. Кинилэр 2018 сылтан Саха сирин социальнай бырайыактарын өйөөн 2 млрд солк. ыыппыттара.
«Кэлэр 5 сылга биһиги гаас оттугун инфраструктуратын сайыннарыыга олус дьоһуннаах дьыаланы оҥорорго суоттанабыт», – диэн Айсен Николаев бэлиэтээтэ.
Онуоха, гаас хампанньаларын өйөбүллэрэ наадатын эттэ.
Ил Дархан бырамыысыланнай хампаанньалар үлэлиир сирдэригэр-уоттарыгэр баар нэһилиэнньэлээх пууннарын өйүүр боппуруостары болҕомтоҕо ылалларыгар эттэ. Манна социальанй эбийиэктэри тутууга, социальнай эйгэҕэ көмө оҥоһуллуон наадатын бэлиэтээтэ. Айсен Сергеевич бырамыысыланнай баһылааһын балысханнык барар аҕыйах ахсааннаах хотугу сир норуоттара олорор сирдэригэр болҕомто, көмө оҥоһуллуохтааҕын ойуччу тутан бэлиэтээтэ.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…