Айсен Николаев “Оҕону оскуолаҕа бэлэмнээ” аһымал аахсыйаҕа кытынна

Айсен Николаев “Оҕону оскуолаҕа бэлэмнээ” аһымал аахсыйаҕа Аллайыаха улууһун Чокуурдаах оскуолатыгар сырыытын кэмигэр кытынна. Анал байыаннай дьайыыга кытта сылдьар дьон оҕолоро Ил Дархан аатыттан үөрэх тээбириннээх оскуола сүгэһэрдэрин туттулар.

Аахсыйа “Биир ньыгыл Арассыыйа” баартыйа көҕүлээһининэн сыллата үөрэх дьылын саҕаланыыта  ыытыллар. Балаҕан ыйын 1 күнүнэн бэлэхтэри туттарыыны тэрийиигэ урбаанньыттар, биэдэмэстибэлэр, тэрилтэлэр салайааччылара, уопсастыбанньыктар, биирдиилээн дьон кытталлар.

Быйыл аһымал аахсыйанан Дьокуускай куоракка уонна улуустарга олорор 2000 тахса оҕону хабаллара былааннанар.

Ил Дархан уонна Бырабыыталыстыба пресс-сулууспата.