Айсен Николаев олох бары хайысхаларын таарыйан кэпсээтэ

Ил Дархан Айсен Николаев үгэскэ кубулуйбут Саха сирин олохтоохторун кытта быһа кэпсэтиитэ
киэҥ ис хоһоонноох, элбэх иһитиннэриилээх буолла.

Нам улууһун баһылыга Юрий Слепцов:

— Сылга иккитэ тахсан хайаан да маннык отчуоттуура, республика олохтоохторун долгутар ыйытыыларыгар толору хоруйдуура – былаас норуокка чугаһын, норуот баҕатын, санаатын истэн ылынара дакаастыыр.

Бу күн Айсен Сергеевич олох бары хайысхаларын таарыйан кэпсээтэ. Сүрүннээн дьон-сэргэ олоҕун уйгута тупсарыгар араас программа олоххо киирэрэ үөрдэр. Анал байыаннай дьайыы кыттыылаахтарыгар, кинилэр дьиэ кэргэттэригэр көрүллэр көмө улаатара хайҕаллаах.

Бу курдук бары бииргэ Ил Дархаммыт тула мустан үлэлиэххэ-хамсыахха, иннибит диэки хардыылаан иһиэххэ, — диэн ТГ-ханаалыгар санаатын үллэһиннэ.