Ил Дархан Айсен Николаевич быстах хомуур туһунан Арассыыйа Бэрэсидьиэнин ыйааҕар суруллубут нуормалары кичэйэн толоруу булгуччулааҕын туһунан балаҕан ыйын 24 күнүгэр тоһоҕолоон эттэ.
«Балаҕан ыйын 21 күнүттэн Саха сиригэр Арассыыйа Бэрэсидьиэнин быстах хомуур туһунан ыйааҕын толоробут. Хомойуох иһин, бу тэрээһин кэмигэр сыыһа-халты туттууттан сылтаан хомуурга хапсыбат дьону ыҥырыы түгэннэрэ көһүннэ. Холобур, түөртэн тахса оҕолоох аҕалары бэбиэскэнэн ыҥырбыттар. Бу олох сыыһа быһыы-майгы. Хомуурга алҕас хапсыбыттар төннүөхтэрэ”, — диэтэ Айсен Николаев.
Маннык сыыһалар тахсыбаттарын туһугар Ил Дархан олохтоох бэйэни саланыы дьаһалталара оройуоннааҕы военкоматтары кытта ыкса үлэлэрин өссө күүһүрдэргэ ыҥырда.
Маны таһынан Ил Дархан Өрөспүүбүлүкэ Бырабыыталыстыбатыгар хомуурга хапсыбыт байыннайдар дьиэ кэргэттэригэр социальнай өйөбүл оҥоруу кээмэйин бигэргэтэллэригэр сорудах биэрдэ.
Айсен Николаев хомуурга ыҥырыллыбыт байыннайдар дьиэ кэргэттэригэр биир кэмнээх 200 тыһ. солк. көмөнү көрүөххэ, хомуурга кэмигэр байыаннай оҕото уһуйааҥҥа төлөбүрэ суох сылдьыахтаах, 5-11 кылаас оҕолоро босхо аһылыгынан хааччыллыахтаах диэн этиилэри киллэрдэ. Маны сэргэ ытык иэстэрин төлөөччүлэр оҕолоро доруобуйаларын көннөрүнэллэригэр лааҕырга босхо путевка бэриллиэхтээх.
Аҕалара хомуурга хабыллыбыт оҕолорго үрдүк үөрэххэ туттарсалларыгар Саха сирин бүддьүөтүн суотугар целевой миэстэҕэ дуогабар түһэрсэллэрин, эбии истпиэндьийэ төлөөһүн туһунан боппуруостарын көрүөхтэрэ.
Манна даҕатан эттэххэ, бэҕэһээ хомуурга ыҥырыллан барбыт биир идэлээхпит Стас Софронов Хабаровскайтан төннөн эрэр. Кини эрдэ сулууспалаабатах буолан быстах хомуурга хабыллыбатах. Стас Софронов Улусмедиаҕа биэрбит комментарийынан түөртэн элбэх оҕолоохтору ылбаттар, 50 саастарын ааспыт офицердары эмиэ ыҥырбаттар эбит.
Быстах хомуур туһунан ыйытыылаах буоллахытына, кырдьыктаах информацияны билиэххитин баҕардаххытына, 122 диэн нүөмэргэ эрийэн билсиҥ. Сулууспа өрөбүлэ суох суукканы быһа үлэлиир.
Бүлүү улууһунааҕы ИДьМ холуобунай ирдэбилин үлэһиттэрэ Өлүөхүмэ улууһуттан төрүттээх 29 саастаах киһи халааһыҥҥа уорбаланарын быһаарбыттар.…
Биирдэ оптуобуһунан дьиэбэр айаннаан истэхпинэ, билбэт нүөмэрбиттэн Москва Силиэстийэлиир кэмитиэтиттэн эрийэбит диэн ууга-уокка түһэрэн турардаахтар.…
Уопсастыбаннай палаатаҕа өрөспүүбүлүкэтээҕи үөрэх систиэмэтин салайыы мэхэниисимин көдьүүһүн үрдэтии тиэмэтигэр туһаайыллыбыт “төгүрү остуол” буолан ааста.…
«Доруобай Аҕа дойду» уопсастыбаннай хамсааһын бэрэссэдээтэлэ Екатерина Лещинская үлэҕэ табах тардыы иһин административнай накаастабылы уон…
Erid: 2SDnjehFeP9 «Сахамедиа» холдинг үлэһиттэрэ эҕэрдэлэри уонна ахтыылары онлайн ылар өҥө баар буолбутун туһунан билиһиннэрдилэр.…
Улахан кээмэйинэн наркотигы сокуоннайа суох эргиниигэ буруйдаахтарынан билиниллибит биир дьиэ кэргэн үс чилиэнигэр сыһыаннаах суут…