Хаартыска С: Бырабыыталыстыбатын пресс-сулууспатытттан
Үөрэх тиһигин оптимизацията үөрэх хаамыытыгар хоромньуну оҥоруо суохтаах. Бу туһунан өрөспүүбүлүкэ баһылыга Айсен Николаев Ил Түмэҥҥэ туһаайан эппитэ. Кини уопсай үөрэхтээһин тэрилтэлэрин тутулларын уонна сайдыыларын уһун кэмнээх социальнай-демографическай билгэлээһиннэри учуоттаан, саҥа былаанын олохтуур наадатын бэлиэтээбитэ.
«Биллэн турар, структурнай оптимизация, ыстаат сарбыллыыта үөрэх хаамыытыгар хоромньута суох ыытыллыахтаах. Холобур, төрөөбүт тыллары үөрэтии кээмэйэ уонна чаастара булгуччу оннунан хаалыахтаах. Үөрэх уонна наука министиэристибэтигэр болҕомтотун маныаха өссө төгүл уурарыгар баҕарабын”, — диэн Айсен Николаев эттэ.
Атырдьах ыйынааҕы мунньахха өрөспүүбүлүкэ Бырабыыталыстыбатыгар, Үөрэх уонна наука министиэристибэтигэр Экэниэмикэ сайдыытын министиэристибэтин кытта бииргэ 2026 сыл кулун тутар 1 күнүгэр диэри сөптөөх былааны киллэрэргэ сорудах бэриллибитэ. Ил Дархан бу үлэҕэ олохтоох салайыныы уорганнара булгуччу кыттыахтаахтар уонна үөрэх эйгэтигэр мунньуллубут боппуруостары быһаарарга туһуланыахтаахтар диэн эппитэ, тоҕо диэтэххэ, бу эйгэ бүддьүөттэн үбүлээһин кээмэйинэн саамай улахан аҥаарын ылар. Сүрүн сыалынан үөрэх өҥөлөрүн хаачыстыбатын хааччыйар сөптөөх балансы тутуу буолар.
Ил Дархан оскуолалары уонна уһуйааннары сабыы туһунан этиллибэтин бэлиэтээтэ. Административнай-салайар ыстааты аҕыйатыы барыахтаах. Кыра оскуолаларга салайааччы солбуйааччыларын ахсаана федеральнай нуорматтан балачча элбэх буолара уонна сорох оройуоннарга МРОТ таһымынан хамнастаах үлэһиттэри киллэрэн кэбиспиттэрэ эмиэ бэлиэтэнэр. Маннык олох сатаммата этиллибитэ.
«Ыстаат араспысаанньатын бэрээдэктээһин педагогтар хамнастарын анаалыһынан арыалланан оҥоһуллуохтаах. Өрөспүүбүлүкэҕэ биир тэҥ усулуобуйаҕа олорон олус уратылаһар. Маны ырытан бу эйгэҕэ сөптөөх нормативтары оҥорон киллэриэххэ наада. Муниципальнай тэриллиилэр баһылыктара үөрэх тэрилтэлэрин ситимин хааччыйыыга кэлим сыһыаннаһыылары учуоттаан, структураны сарбыйыыны уонна ыстааты бэрээдэктиир былааннары 2026 сылга олоххо киирэр курдук Бырабыыталыстыбаны кытта илии баттыахтаахтар”, — диэтэ Ил Дархан.
Сиһилии: https://www.sakha.gov.ru/news/17888
Өлүөхүмэ улууһун I Нөөрүктээйи нэһилиэгэр кыс ортото лыах тиллибитэ ый буолла. Маныаха учуонайдар көрүүлэрэ хайдаҕый?…
Дьокуускай куоракка полицейскайдар балыыһаҕа киирбит табаарыһын каартатыттан мөлүйүөн аҥаара харчыны уорбут киһини туттулар. Бу туһунан…
Ахсынньы 24 күнүгэр «Бриллианты Якутии» ансаамбыл 2025 сылы түмүктүүр аһаҕас уруогун үрдүк таһымнаахтык ыытта! [gallery…
Социальнай пуонда Саха сирнээҕи салаата иһитиннэрэринэн, биэнсийэни уонна оҕо босуобуйаларын Саҥа дьыл иннинэ эрдэ биэриэхтэрэ. …
Ю.П. Степанов аатынан инбэлииттэри чөлүгэр түһэрэр өрөспүүбүлүкэтээҕи кииҥҥэ 557 байыаннай дьайыы кыттыылааҕа уонна кинилэр дьиэ…
Аны сайын Кэбээйи улууһугар Олоҥхо ыһыаҕа ыытыллар. Ону көрсө Сииттэ оскуолатын таһыгар төрөппүттэр оҕолорун кытта…