Айсен Николаев оскуолаларга уонна кэллиэстэргэ оптуобус күлүүстэрин туттарда

Бүгүн, алтынньы 13 күнүгэр, Ил Дархан Айсен Николаев Саха сирин 44 оскуолатыгар уонна кэллиэһигэр саҥа оптуобус күлүүстэрин үөрүүлээх быһыыга-майгыга туттарда. Бу туһунан кини Телеграм-ханаалыгар суруйда.

«Дойдубут бэрэсидьиэнэ Владимир Владимирович Путин быһаарыныытынан, 2016 сылтан биһиги оскуолаларбыт саҥа тырааныспардарынан хааччыллаллар. Бу сыллар тухары үөрэх тэрилтэлэригэр сүүсчэ оптуобуһу тиксэрдибит. Бу оҕо үөрэҕин хаачыстыбатыгар эрэ буолбакка, куттал суох буолуутугар эмиэ суолталаах. Тустаах бырагырамаама оҕолорбут туһугар өссө да үлэлиэ диэн эрэнэбин», — диэн Айсен Сергеевич суруйар.