Андрей Сорокин (СИА) хаартыската
Олунньу 27 күнүгэр Ил Дархан Айсен Николаев Ил Түмэн Судаарыстыбаннай Мунньах КПРФ, ЛДПР, «Справедливая Россия-Патриоты за Правду» уонна «Биир ньыгыл Арассыыйа» бэлитиичэскэй баартыйаларын фракцияларын салайааччыларын уонна бэрэстэбиитэллэрин кытары көрүстэ.
Ил Дархан бэлиэтээбитинэн, Өрөспүүбүлүкэ Бырабыыталыстыбата Саха сирин олохтоохторугар социальнай өйөбүл дьаһалларын ылыныыга үлэтин күүһүрдэр. Уочараттаах парламент пленарнай мунньаҕын иннигэр Айсен Николаев норуот дьокутааттара быстах дьайыылар кыттыылаахтарын уонна кинилэр дьиэ кэргэттэрин өйүүр хайысхалаах сокуон бырайыактара ураты суолталаахтарынан тоһоҕолоон бэлиэтээтэ.
«Өрөспүүбүлүкэ иннигэр бүгүн турар соруктар суһал быһаарыылары ылынары эрэйэллэр. Арассыыйа Бэрэсидьиэнэ эрэгийиэннэр иннилэригэр социальнай өйөбүлгэ киэҥ хабааннаах соруктары туруорбута. Билиҥҥи уларыйыылар кэмигэр ылыллыахтаахтар уонна наадалаахтар. Ол иһин биһиги бу соруктары быһаарарга түмсэрбит наада», – диэн эттэ парламент вице-спикерэ, Ил Түмэҥҥэ «Биир ньыгыл Арассыыйа» баартыйа фракциятын салайааччыта Антонина Григорьева.
Судаарыстыбаннай Мунньах бэрэссэдээтэлин солбуйааччы, КПРФ фракциятын салайааччыта Виктор Губарев Саха сирин байыаннай сулууспалаахтарыгар уонна кинилэр дьиэ кэргэттэригэр көмөнү оҥорууга тиһиктээх үлэни олохтоотулар диэтэ.
ЛДПР салайааччыта Гаврил Парахин Бырабыыталыстыбаҕа структурнай уларыйыылар тахсалларыга сөбүлэһэрин биллэрдэ. «Предпринимательство сайдыытын сүрүннүүр саҥа Бырабыыталыстыба бэрэссэдээтэлин солбуйааччытын эбээһинэһин толорооччу ананна. Биһиги ону өйүүбүт», — диэн бэлиэтээтэ Гаврил Парахин.
Оттон «Справедливая Россия — Патриоты за Правду» фракция салайааччыта Софрон Афанасьев тыа сиригэр социальнай өйөбүл быһыытынан тырахтарыыс-машинист идэтигэр босхо үөрэтии эбии дьаһал быһыытынан буолуон сөбүн эттэ. Ол ыччаты тыа сиригэр олохсутуо этэ диэн тоһоҕолоон бэлиэтээтэ.
СӨ Ил Дарханын уонна Бырабыыталыстыбатын пресс-сулууспата
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…