Айсен Николаев патриотическай иитии сүрүн хайысхаларын быһаарар туһунан дьокутааттар көҕүлээһиннэрин өйөөтө

Ил Дархан Айсен Николаев Судаарыстыбаннай Мунньах дьокутааттара көҕүлээбит этиилэрин өйөөтө. Дьокутааттар “Об основах системы патриотического воспитания граждан Российской Федерации” федеральнай сокуон бырайыагын оҥорбуттара.

“Туһааннаах сокуон баазатын оҥорууну тупасарарга эппиэтинэстээх сыһыаҥҥыт иһин Өрөспүүбүлүкэ Парламеныгар махтанабын. Дойдуга патриотическай иитии систиэмэтин биир кэлим хайысхаларын быһаарарга Судаарыстыбаннай Мунньах сокуону таһаарыыга көҕүлээһинин өйүүбүн. Бу судаарыстыбаннай бэлиитикэни көдьүүстээхтик олоххо киллэрэргэ көмөлөһүөх, ону тэҥэ, былаас уоргана уонна патриотическай иитии атын кыттааччылара бииргэ үлэлииллэрин хааччыйыах этэ”, – диэн Ил Дархан эттэ.

Саха сиригэр ыччаты патриотическай тыыҥҥа иитиигэ тиһиктээх үлэ оҥоһуллубута. Өссө 2022 сыл муус устарыгар өрөспүүбүлүкэҕэ “Саха Өрөспүүбүлүкэтигэр патриотическай иитии туһунан” сокуон ылыныллыбыта. Онон патриотическай иитии бырааба, экэниэмиичэскэй уонна тэрийэр тирэхтэрэ быһаарыллыбыта.

Былырыын Саха сиригэр  ыччат бэлиитикэтин эйгэтигэр 1500-тэн тахса тэрээһин ыытыллыбыта. Онно 14-35 диэри саастаах 92 105 киһи кыттыбыта.

Бу туһунан Ил Дархан уонна Бырабыыталыстыба пресс-сулууспата суруйар. Сиһилии манна ааҕыҥ.