Сайаана Львова хаартыскаҕа түһэриитэ
Бүгүн «Сыыппара алмааһа» пуорум чэрчитинэн «Арктика синергията» бырайыак саҕаланна.
«Арктика Синергиятын» туһунан Ил Дархан Айсен Николаев кэпсээтэ: «Пуорум төрдүс төгүлүн ыытыллар уонна сылтан сыл кэрэхсэбиллэнэн иһэр. Кыттааччылар таһымнара үрдүүр уонна ахсааннара элбиир. Кинилэр истэригэр бөдөҥ ИТ-хампаанньалар, ону таһынан «Сбер» курдук аан дойду лиидэрдэрэ көхтөөхтүк кытталлар. Бүгүн «Арктика синергията» официальнайдык саҕаланна, бэҕэһээ ол туһунан РФ Бырабыыталыстыбатын Бэрэссэдээтэлэ Михаил Мишустин дойду үрдүнэн биллэрбитэ. Сэттэ тыһыынча километр оптоволокно тардыллыаҕа. Бу олус бөдөҥ бырайыак, тоҕо диэтэххэ Илинтэн Чукотканы кытта уонна хоту сири Хотугу муора суолун кытта холбуохпут. «АрктикТелеком» туруоруллубут соругу толоруоҕа диэн эрэнэбин.
Бары уустуктары аахсыбакка, биһиги бэйэбит бүддьүөппүтүттэн үбү-харчыны көрөр кыаҕы буллубут. Арассыыйа Бэрэсидьиэнигэр Владимир Путиҥҥа, дойду Бырабыыталыстыбатыгар, РФ Сыыппара сайдыытын, сибээс, маассабай коммуникация министиэристибэтигэр федеральнай бүддьүөттэн үбү-харчыны көрбүттэрин иһин махтанабын. Бүгүн Дьааҥы улууһун диэкиттэн тутуу саҕаланна. Кэлэр сылга Дьааҥы улууһун олохтоохторо кэлэр сылтан түргэн интэриэниэттээх буолуохтара диэн эрэнэбит».
Тохсунньу 25 күнүгэр Арчы дьиэтигэр өрөбүллээҕи Оһуокайбыт буолла. Бүгүҥҥү алгыстаах Оһуокай Сунтаар улууһугар ананна. Сунтаар…
600-тэн тахса киһи олорор Мытаах нэһилиэгэр “Аартык”, “Дүөдэ”, “Дьөлөккөн” түөлбэлэр бааллар. Күннэтэ олохпут уларыйар, сайдар…
Дьокуускай куорат 13 нүөмэрдээх оскуолатыгар Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылларын…
2025 сыллаахха олунньу саҥатыгар СӨ бырабыыталыстыбата өрөспүүбүлүкэҕэ 2030 сылга диэри туризмы сайыннарыы стратегиятын бигэргэппитэ. …
Үөһээ Бүлүү улууһун Өргүөт нэһилиэгин олохтоохторо байыаннай дьайыыга сылдьар хорсун буойуттарын өйүүллэр, кинилэр үтүө көмөлөрө…
Билии чыпчаалын баһылаабыттар ааттара билиннэ. "Кубок знатоков наслега" түмүктэннэ! Бу туһунан биһиэхэ Өспөхтөн бибилэтиэкэр Сайыына …