Хаартыска sakha.gov.ru ылылынна
Бүгүн «Якутия, вперёд!» биэриигэ Ил Дархан Айсен Николаев РФ Бэрэсидьиэнэ Владимир Путин Федеральнай Мунньахха Анал этиитигэр санаатын үллэһиннэ.
-Уопсастыбабыт олоҕун бары хайысхалара хабылыннылар. Дойдубут социальнай сайдыытыттан саҕалаан байыаннай дьайыыга тиийэ. Улахан дойдубут хас биирдии олохтооҕор кыһамньы ууруллара, болҕомто баара көстөр, — диэн этэр Айсен Николаев.
Манна даҕатан кини 2024 сылга этиллибит Анал этии уһун болдьохтоох кэскиллээх сыалы-соругу туруорарын бэлиэтиир. Ол курдук, сорохторо чугастааҕы 6 сылга, оттон сорохторугар хас эмэ уонунан сылларга инникилээн дойдуну сайыннарыыга туһаайыллаллар.
Кини Анал этиини дьон-сэргэ болҕойон истибитин, сүргэлэрэ өрө көтөҕүллүбүтүрн, эрэл күүһүрбүтүн, бу барыта олоххо киирэрэ дойдубутун хас эмэ бүк күүһүрдэрин этэр.
РФ Бэрэсидьиэнэ Владимир Путин олунньу 29 күнүгэр 19-с төгүлүн Федеральнай Мунньахха Анал этиитин оҥордо. Бу Анал этии бу иннинээҕилэртэн уһуна бэлиэтэнэр. Бэрэсидьиэн 2 чаас 6 мүнүүтэ тыл эппитэ бэлиэтэнэр. Анал этии иитинэн, биэс саҥа национальнай бырайыак туһунан этилиннэ. Ол курдук: «Семья», «Продолжительная и активная жизнь», «Молодежь России», «Кадры», «Экономика данных».
СӨ Ил Дарханын уонна Бырабыыталыстыбатын пресс-сулууспата
Хаҥалас оройуонугар ДПС инспектордара трассаҕа умуллубут массыыналаах суоппар кыыска көмө оҥордулар. Томороон тымныыларга массыына айаннаан…
Саҥа сылга үктэнээт, киин куоракка култуура кииннэригэр, тыйаатырдарыгар араас ис хоһоонноох дьон сынньалаҥар туһуламмыт тэрээһиннэр…
Тохсунньу 5 күнүгэр социальнай ситимнэринэн Кириэмилгэ Арассыыйа Дьоруойа аатынан Муома улууһуттан Сааһыыр олохтооҕун наҕараадалыахтара диэн…
Эдьигээн оройуонугар аварийнай-чөлүгэр түһэрэр үлэни ыытыыга Ил Дархан Айсен Николаев ахсынньы 5 күнүгэр киэһэ ыксаллаах…
Бүгүн эрэл, таптал уонна үөрүү күнэ. Чугас дьоҥҥутун кытта бииргэ буолуҥ, үтүө санааҕытын кытта үллэстиҥ.…
Бүгүн Дьокуускай куоракка Преображенскай таҥара дьиэтигэр православнай итэҕэллээхтэр мустуохтара. Бу сарсыарда 10:00 чааска Ороһуоспа иннинээҕи …