Ил Дархан Айсен Николаев Александр Новагы кытта көрүстэ

РФ Бырабыыталыстыбатын  бэрэссэдээтэлин солбуйааччы Александр Новак уонна Ил Дархан, Судаарыстыбаннай Сэбиэт хамыыһыйатын  “Энэргиэтикэҕэ” хайысхатын бэрэссэдээтэлэ Айсен Николаев оробуочай көрсүһүү иитинэн эрэгийиэн социальнай-экэнэмиичэскэй сайдыытын кэпсэттилэр.

“Нэһилиэнньэни уонна өрөспүүбүлүкэ тэрилтэлэрин уотунан эрэлээхтик хааччыйыы, ону тэҥэ, уот ситимин комплексыгар тарыыбы бэрээдэктээһин экэнэмиичэскэй тэҥнэбилин туһунан кэпсэттибит” – диэн Ил Дархан бэйэтин телеграм-ханаалыгар иһитиннэрэр.

РФ Судаарыстыбаннай Сэбиэтин “Энэргиэтикэҕэ” хайысхатын хамыыһыйатын мунньаҕын иннинэ Айсен Николаев Александр Новакка ол үлэни уонна чугастааҕы кэмҥэ соруктары билиһиннэрдэ.

“Болҕомто киинигэр стратегическай сорук турар – дойду энэргэтиичэскэй тутулун күүһүрдүү” – диэн кини бэлиэтиир.

Бу туһунан Ил Дархан уонна Бырабыыталыстыба пресс-сулууспата суруйар.