Айсен Николаев «Саха сирэ —  Доруойдар сирдэрэ» бырагыраама салҕанарын туһунан иһитиннэрдэ

«Саха» ГТРК «Быһа кэпсэтии» («Прямой разговор») биэриитин быһа эпииригэр Айсен Николаев «Саха сирэ — Дьоруойдар сирдэрэ» каадыр бырагыраама салҕаныаҕын туһунан иһитиннэрдэ.

Олунньу 19 күнүгэр байыаннай дьайыы кыттыылаахтарыттан саҥа көлүөнэ салайааччылары бэлэмниир бырайыак олоххо киирбитэ чопчу биир сыла туолар.

«Ааспыт сыл устата курсаннар сайдыыларыгар улахан хардыыны оҥордулар. Өскөтүн кинилэр өйдөрүгэр-санааларыгар практика уонна диплом туһунан сорох боппуруостарга «бутуллуу» баар эбит буоллаҕына, билигин бары тус бэйэлэрин выпускной үлэлэрин талыыга өйдөөхтүк-санаалаахтык сыһыаннастылар.

Курсааннар оҥорбут элбэх бырайыактара олоххо киирэргэ бэлэмнэр, бу кинилэр дьыалаҕа дириҥник киирбиттэрин уонна эппиэтинэстээхтэрин туоһулуур. Билигин курсаннар кулун тутар 12 күнүгэр диэри салҕанар практиканы бара сылдьаллар», — диэн Айсен Николаев иһитиннэрдэ.

Өрөспүүбүлүкэ баһылыга бастакы бырагыраама выпускниктарыттан элбэх салайааччы тахсыаҕар эрэнэрин биллэрдэ.

«Билигин да бастакы ананыылар бааллар: ким эрэ миниистир солбуйааччыта буолар, ким эрэ — бөдөҥ хампаанньа дириэктэрин солбуйааччыта», — диэтэ кини.

«Дойду Бэрэсидьиэнин дьаһалтатын уонна Бэрэсидьиэн академиятын кытта сөбүлэһиинэн, сыл иккис аҥарын саҕаланыытыгар биһиэхэ иккис потокка сүүмэрдээһин уонна салгыы үөрэтии саҕаланыаҕа», — диэн Николаев эттэ.