Айсен Николаев: «Саха сирэ мөлүйүөн нэһилиэнньэлээх эрэгийиэнинэн буолла»

Уон сыл устата Уһук Илин уокуругу сайыннарыы сүрүн соругунан буолбутун кэннэ Саха сирэ балысханнык сайынна.

Бу туһунан Ил Дархан Айсен Николаев «Российская газета» хаһыакка интервью биэрдэ.

Суруналыыс Дмитрий Балта кэпсэтиини 2013 уонна 2023 сыллары тэҥнээһинтэн саҕалаата. Уон сыл устата Саха сиригэр туох уларыйыы тахсыбытын, инникигэ хардыы оҥоһуллубутун Ил Дархан сиһилии ырытта:

—  Ол курдук, валовай бородууксуйаны оҥорон таһаарыыга Саха сирэ билигин дойдуга 12-13-с миэстэҕэ сылдьар. Бырамыысаланнас салаатыгар — уон иһигэр. Былырыын дойдуга 6-с миэстэҕэ тахсыбыппыт. Биэс сыл устата биһиги көмүһү, чоҕу, ньиэби, гааһы, үрүҥ көмүһү  хостооһуҥҥа историческай рекорду олохтоотубут. Алмааһы хостооһуҥҥа бастакы миэстэттэн түспэппит.

Маны таһынан, Ил Дархан өрөспүүбүлүкэҕэ креативнай экэниэмикэ сайдыытын, саха киинэтин уратытын, тас дойдулары кытта сыһыаны уо.да. бэрт кэрэхсэбиллээх ырытыытын бу сигэн киирэн ааҕыҥ.