Бүтүн Арассыыйатааҕы «Өлбөт үйэлээх полк» аахсыйа очнай көрүҥүнэн буолар. Кыайыы күнүгэр, ыам ыйын 9 күнүгэр, Аҕа дойду Улуу сэриитин кыттыылаахтарын мэтириэттэрин тутан хаамыы нэһилиэнньэлээх пууннарынан ыытыллыаҕа. Маннык быһаарыы бүгүн, муус устар 14 күнүгэр, Ил Дархан Айсен Николаев салалтатынан сүбэ мунньахха ылылынна.
«Биһиги норуоппутугар Кыайыы күнэ ураты сыһыаннаах — биһиги бу бырааһынньыгы ураты иэйиилээхтик бэлиэтиибит. Үбүлүөйдээх сылга Саха сирин хас биирдии нэһилиэнньэлээх пуунугар «Өлбөт үйэлээх полк» аахсыйа саамай үрдүк тэрээһиннээхтик ыытыллыа диэн эрэнэбин. Хаамыы кэмэ уонна тэрээһиннэр олохтоох терроризмы утары хамыыһыйаларынан быһаарыллыахтара», – диэн бэлиэтээтэ Айсен Николаев.
Сүбэ мунньахха Дьокуускай куоракка «Өлбөт үйэлээх полк» ыытыыга , киин куорат олохтоохторугар уонна ыалдьыттарыгар куттала суох буолуу боппуруостарын киллэрэн туран, ураты болҕомто уурулунна.
«Аахсыйа көрүҥнэрин хас биирдии киһи бэйэтэ талыаҕа: бэйэлэрин, үлэ тырааныспардарынан, куорат экраннарыгар, дьиэ фасадтарыгар, таҥастарыгар, социальнай ситимнэринэн, о.д.а. Социальнай ситимнэринэн аватардары Аҕа дойду Улуу сэриитин кыттыылаахтарын мэтириэттэригэр уларытарга ыҥырабыт», — диэн хамсааһын эрэгийиэннээҕи ыстаабын салайааччыта Ньургуйаана Стручкова бэлиэтээтэ
«Өлбөт үйэлээх полк» Аҕа дойду Улуу сэриитин кыттылаахтарын көлүөнэтин ааттарын харыстааһыҥҥа аан дойдутааҕы уопсастыбаннай гражданскай-патриотическай хамсааһына. Кыайыы күнүн көрсө аахсыйа кыттыылаахтара бэйэлэрин аймахтарын хаартыскаларын тутан холуоннаннан тутан хаамаллар. Саха сиригэр аан бастаан аахсыйа 2013 сыллаахха буолбута.
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…
Саха сирин олохтоохторо уонна улуус дьаһалталара байыаннай дьайыыга сылдьар биир дойдулаахтарыгар өрүү көмөлөһөллөр. Бу өйөбүл…
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…
Бу сыл сааскы-сайынҥы кэмигэр «Нерюнгри аэропорда» филиалга саҥа маршрут арыллар диэн СӨ Тырааныспарга уонна суол…
Кэлиҥҥи кэмҥэ агро-оскуолалар эбии үөрэхтээһин хайысхатын таба туһанан, бэйэ бородууксуйатын оҥорон таһаарыыга, оҕону урбаан салаатыгар…
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…