Айсен Николаев Саха сиригэр национальнай бырайыактар олоххо киириилэрин дьүүллэстэ
Бүгүн, кулун тутар 20 күнүгэр, Ил Дархан Айсен Николаев ааспыт сыл түмүгүнэн национальнай бырайыактар олоххо киириилэринэн уонна үүммүт 2025 сыл былаанынан мунньах ыытта.
Тэрээһиҥҥэ бырабыыталыстыба чилиэннэрэ, биэдэмистибэлэр салайааччылара, өрөспүүбүлүкэ борокуратуурата кытыннылар. РФ Бэрэсидьиэнэ Владимир Путин көҕүлээһининэн тэриллибит национальнай бырайыактар үлэлээбит алта сылларын устатыгар өрөспүүбүлүкэҕэ 204 эбийиэк тутуллубут.
Ордук социальнай эйгэҕэ элбэх тутуу үлэҕэ киирбит. Ол курдук доруобуйа харыстабылыгар сыһыаннаах 78 тутуу, 44 оскуола, ону сэргэ 750 тыһыынча кв.м иэннээх аныгы дьиэлэр, 13 уунан хааччыйар тутуу. Маны сэргэ, 1417 км суол чөлүгэр түһэриллибит, 55 муоста оҥоһуллубут. Хаарбах дьиэттэн көһөрүү бырагырааматын чэрчитинэн 46 890 киһи олорор усулуобуйатын тупсарбыт.
Ил Дархан бэлиэтииринэн, национальнай бырайыактар дойду, эрэгийиэннэр сайдыыларыгар сүрүн суолтаны ылаллар. 2025 сыл тохсунньутуттан сүүрбэ саҥа национальнай бырайыак олоххо киирэн үлэтин саҕалаабыт. Мантан 12 бырайыакка Саха сирэ кыттар. 2025 — 2030 сылларга 31 эбийиэк тутуллуохтаах. Мантан 13 эбийиэк 2025 сылга тутулларын туһунан жтиллэр.
Мунньах түмүгүнэн Айсен Николаев тустаах биэдэмистибэлэргэ бырайыак-симиэтэ докумуонун үлэтин түргэнник бүтэрэр туһунан, ону сэргэ туруоруллубут соруктары ситиһэргэ соруйда.
Сообщить об опечатке
Текст, который будет отправлен нашим редакторам: