Айсен Николаев Саха сиригэр национальнай бырайыактар үлэлэрин күүһүрдэргэ сорудахтаата

Өрөспүүбүлүкэ аҕа баһылыга Айсен Николаев от ыйын 4 күнүгэр  пленарнай мунньаҕы ыытта.

Ил Дархан Айсен Николаев национальнай бырайыактар үлэлэрин күүһүрдүүгэ соруктары туруорда уонна салайааччыларга өрөспүүбүлүкэҕэ үлэлиир 23 федеральнай бырагыраама туһунан иһитиннэриини  бэлэмнииргэ сорудахтаата. Кини бэлиэтээбитинэн, билигин өрөспүүбүлүкэҕэ тутуу сезонун саамай эппиэтинэстээх кэмэ буолар. Улахан тымныылар түһэ иликтэринэн тутуулар бырабыыталыстыба уонна тустаах министиэристибэлэр, биэдэмистибэлэр хонтуруолларынан түргэнник ыытыллыахтаах.

Айсен Николаев бырабыыталыстыба бэрэссэдээтэлэ Андрей Тарасенкоҕа уонна бырабыыталыстыба бэрэссэдээтэлин солбуйааччы Михаил Никифоровка уотурба бэлэмниир  хампаанньа  үлэтин саҕаланыытын хонтуруоллуурга сорудахтаата. Ил Дархан бэлиэтииринэн, тыа хаһаайыстыбатын үлэтин түргэнник, сып-сап бары күүһү ууран туран дьаһайан иһиллиэхтээх.

Пленарнай мунньах  кэмигэр Ил Дархан сүрүн болҕомтотун ойуур баһаардарыгар  уурда. Айсен Николаев бэлиэтииринэн, ойуур баһаардара хотугулуу-илиҥҥи уонна соҕуруулуу-илиҥҥи оройуоннарга  баарын бэлиэтээтэ. Кини бэлиэтииринэн, баһаардар хайалаах, киһи сылдьара уустук сирдэригэр буолуталыыллар диэтэ. Ил Дархан ойуур баһаарыгар өрөспүүбүлүкэҕэ сөптөөх үлэ систиэмэтэ олохтоммутун уонна бу үлэни өрүү хонтуруолга тутар наадатын тоһоҕолоон эттэ.