Айсен Николаев Саха сиригэр ойуур баһаарыттан ыксаллаах-быһыы эрэсиимин биллэрэргэ сорудахтаата
10.06.2024, 21:00
Хаартыска: Андрей Сорокин, СИА
Бөлөххө киир:
Ил Дархан Айсен Николаев Саха сиригэр эрэгийиэннээҕи ыксаллаах быһыы-майгы эрэсиимин биллэрэргэ сорудахтаата.
Бу эрэсиим ойуур баһаарын умуруорууга бары күүһү түмэргэ, ол иһигэр федеральнай резервэттэн баһаарынайдары уонна тиэхиньикэни тардыыга көмөлөһүөҕэ.
Ыксаллаах быһыыны-майгыны сэрэтэр уонна куттал суох буолуутун хааччыйар хамыыһыйа мунньаҕар иһитиннэрбиттэринэн, Саха сиригэр 98 тыһ. тахса га сиргэ 17 муниципальнай тэриллиигэ 46 ойуур баһаара турбута биллэр.
«Икки муниципальнай тэриллиигэ ыксаллаах быһыы-майгы эрэсиимэ биллэриллибитэ, онон маннык эрэсиими өрөспүүбүлүкэ таһымыгар киллэрэри үөскэтэр», — диэн Экология, айылҕа харыстабылын уонна ойуур хаһаайыстыбатын миниистирэ Евгений Перфильев быһаарда.
Санатан эттэххэ, бэс ыйын 10 күнүн сарсыардатыгар бэлиэтэммит 48 ойуур баһаара 98 266 га иэннээх сири ылар. Ойуур баһаардарын умулларыыга 749 киһи, 50 тиэхиньикэ, 16 салгын суудуната уонна 8 Ми-8 бөртөлүөт үлэлииллэр.
Саха сиригэр баһаартан кутталлаах сезон ыам ыйын 6 күнүттэн биллэрилибитэ. Олохтоох бэйэни салайыныы уорганнарыгар ыксаллаах быһыыны-майгыны сэрэтиигэ уонна суох оҥорууга туһуламмыт тэрээһиннэри хааччыйарга этиллибитэ.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: