Айсен Николаев Саха сирин экэниэмикэтин сайдыытын хааччыйар суһал ыстаап президиумун мунньаҕын ыытта

СӨ Ил Дархана Айсен Николаев өрөспүүбүлүкэ экэнэмиичэскэй сайдыытын хааччыйар суһал ыстаап президиумун уочараттаах мунньаҕын ыытта, диэн www.sakha.gov.ru иһитиннэрэр.

Мунньах сүрүн тиэмэтинэн бүддьүөт үбүн-харчытын көдьүүстээхтик салайыыга уонна судаарыстыбаннай хантараактары толорууга сыһыаннаах боппуруостар көрүлүннүлэр. Айсен Николаев бырабыыталыстыба сүрүн соруга – урутаан иһэр хайысхалары үбүнэн хааччыйыыны тэҥинэн, бүддьүөт үбүн харыстааһын буоларын бэлиэтээтэ.

Мунньах кэмигэр бүддьүөт үбүн көдьүүстээхтик туһаныы уонна судаарыстыбаннай хантараактары кэмигэр толорууну хааччыйыы эрэгийиэн судаарыстыбаннай бэлиитикэтин урутаан иһэр соругунан хаалара бэлиэтэннэ. Бырайыак докумуонун хаачыстыбатын үрдэтиигэ уонна агробырамыысыланнай комплексы, ОДьКХ инфраструктуратын уонна успуорт эбийиэктэрин сайыннарыыга туһуламмыт бырагыраамалар ороскуоттарын сааһылааһыҥҥа ураты болҕомто уурулунна. Дьүүллэһии түмүгүнэн идэлээх министиэристибэлэр салайааччыларыгар судаарыстыбаннай хантараактар олоххо киириилэрин кытаанахтык хонтуруоллуурга уонна бэдэрээтчит тэрилтэлэр эбээһинэстэрин кэмигэр толороллорун ситиһэргэ сорудахтанна. Ону таһынан, бүддьүөтү былааннааһын түмүктээх буолуутун үрдэтэр уонна ресурсалары ордук суолталаах бырайыактарга түмэр наадалааҕа этилиннэ.