Айсен Николаев: «Саха сирин эрэгийиэннээҕи баалабай бородууктата икки төгүл улаатта»

Саха сирэ Арассыыйа биир тэтимнээхтик сайдан иһэр эрэгийиэнинэн буолар. Бүтэһик биэс сыл иһигэр өрөспүүбүлүкэ эрэгийиэннээҕи баалабай бородууктата икки төгүл улаатан, 2022 сыл түмүгэр 2 триллион солкуобай кэриҥэ буолла. Ол туһунан Ил Дархан Айсен Николаев бүгүн, муус устар 26 күнүгэр, быһа эпииригэр иһитиннэрдэ. 

«Бүгүҥҥү күҥҥэ Саха сирэ Арассыыйаҕа тэтимнээхтик сайдан иһэр эрэгиэйиннэртэн биирдэстэрэ буолар. Ол курдук, 2018 сыл түмүгүнэн эрэгийиэннээҕи баалабай бородуукта 900 мөл. солкуобай буолбут буоллаҕына, 2022 сыл бүтүүтүгэр 2 триллион солкуобай кэриҥэ буолла. Биһиги биэс сыл иһигэр көрдөрүүбүтүн икки төгүл улаатыннардыбыт», — диэн Айсен Николаев эттэ.