Ил Дархан Айсен Николаев Анал этиитигэр өрөспүүбүлүкэҕэ IT-индустрия сайдыытын туһунан санаатын эттэ. Ол курдук, дойду технологическай суверенитетын улаатыннарыыга Саха сирин кылаатын бэлиэтээн эттэ.
— Саха сирэ цифровой уонна информационнай технологияларга дьоһуннаах инникилээх дии саныыбын. Быйыл өрөспүүбүлүкэҕэ үс тыһыынча км ВОЛС ситимэ тардылынна, Саха сирин олохтоохторун 90,96%-а түргэн интэриниэтинэн хааччылынна. Итиэннэ бу соторутааҕыта «Синергия Арктики» бырайыак үлэтин саҕалаан, 7 тыһыынча км ВОЛС тардыллан, арктическай зонаҕа баар 86 бөһүөлэк интэриниэттэниэҕэ.
Өрөспүүбүлүкэҕэ биир кэлим инновационнай экосистиэмэ баар буолла уонна сайдан иһэр. Манна сүрүн үлэни «Якутия» технопаарка, ИТ-паарка, Арктикатааҕы инновационнай киин, үрдүк үөрэх кыһалара, сайдыы институттара ыыталлар. 2018 сылтан аҥаардас ИТ-пааркаҕа 1 050 үлэ миэстэтэ тэрилиннэ, 420 мөлүйүөн солкуобай инвестиция көрүлүннэ, резиденнэр 5 миллиард солкуобайы киллэрдилэр. Оттон Өрөспүүбүлүкэ инновацияларын сайыннарыы пуондатын акселерационнай бырагырааматын нөҥүө 48 стартап ааста.
Саха сирин ИТ-хампаанньаларын технологическай бородуукталара Арассыыйа уонна аан дойду ырыынагар таҕыста. Өрөспүүбүлүкэбит Уһук Илиҥҥэ ИТ-өҥөнү эскпортааһыҥҥа лиидеринэн буолар, 2021 сыл түмүгүнэн Арассыыйа эрэгийиэннэригэр 9-с кэккэҕэ турбута.
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…