Айсен Николаев Саха сирин судаарыстыбаннай бүддьүөтүн 2025 уонна 2027 сылга диэри кэмҥэ сүрүн параметрдарын дьүүллэстэ

От ыйын 15 күнүгэр Саха сирин баһылыга Айсен Николаев өрөспүүбүлүкэ бырабыыталыстыбатын чилиэннэрин кытта Саха Өрөспүүбүлүкэтин судаарыстыбаннай бүддьүөтүн 2025 сылга уонна 2027 сылга диэри кэмҥэ сүрүн параметрдарын дьүүллэстэ.

Айсен Николаев судаарыстыбаннай бүддьүөт социальнай соруктарын, бары социальнай төлөбүрдэри индексациялааһыны быһаарар наадатын бэлиэтээтэ.
Саха сирин баһылыга сааҥсыйаттан иҥнибэккэ өрөспүүбүлүкэ экэниэмикэтэ сайдарын бэлиэтээтэ.
Хостуур салаа бырамыысыланнаһа кэҥээтэ. Нэһилиэнньэ туһанар кыаҕа үрдээтэ.
2024 сыл бастакы аҥаарыгар эрэгийиэн бүддьүөтүн дохуоттаах чааһын көрдөрүүлэрэ ситиһилиннилэр.
Ил Дархан Үп уонна Экэниэмикэ министиэристибэлэригэр 2025 сылга уонна 2027 сылга диэри былааннаммыт кэмҥэ сабаҕалааһыҥҥа олоҕуран бүддьүөт параметрдарын бырагыраамалар уонна социальнай эйгэ бырайыактарын үбүлээһин улаатыытын учуоттаан оҥороллоругар соруйда.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска:Андрей Сорокин, СИА