Хаартыска СӨ Ил Дарханын уонна Бырабыыталыстыбатын саайтыттан
Саха Өрөспүүбүлүкэтин Ил Дархана уонна “Саха сирин тимир суоллара” АК ААУо генеральнай дириэктэрэ Василий Шимохин таһаҕаһы тиэйии уонна пассажирдар ахсааннарын элбэтии кээмэйигэр туһуламмыт инфраструктура бырайыактарын уонна миэрэлэрин олоххо киллэриини дьүүллэстилэр.
Хампаанньа үп-хаһаайыстыбаннай үлэтин 2022 сыллааҕы түмүктэрэ тирэхтээх сайдыыны кэрэһилииллэр. Таһаҕаһы тиэйии 2021 с. тэҥнээтэххэ 16 быр., оттон пассажирдары тиэйии – 60 быр. улаатта. Маннык көрдөрүүлэр Аллараа Бэстээх ыстаансыйатыгар таһаҕаһы тиэйии кээмэйэ улааппытын уонна Аллара Бэстээх — Благовещенскай хайысхатынан пассажирдары таһар буойаһы сырытыннарыы, Благовещенскайга, Владивостокка, Иркутскайга диэри курдат айанныыр пасажирдар вагоннарын паркатын элбэтиини кытта ситимнээх.
2023 сылга тумус тутуллар хайысхалар – инфраструктура бөдөҥ бырайыактарын олоххо киллэрии, пассажирдары тиэйии ахсаана эбиллиитэ уонна Саха сирин олохтоохторун тырааныспарынан хааччыйыыны, ол иһигэр өрөспүүбүлүкэ олохтоохторун хаарбах уонна саахалланар дьиэлэртэн көһөрүүгэ көмөлөһүү.
Саха сиригэр уонна Уһук Илиҥҥэ стратегическай суолталаах киэҥ хабааннаах бырайыактартан биирдэстэринэн “Джалинда-Мохэ” Арассыыйа уонна КНР икки ардыларыгар норуоттар икки ардыларынааҕы кыраныыссаны туорааһын бырайыага буолар. Бу бырайыагынан бииргэ үлэлииргэ меморандуму Саха сирин уонна Амур уобалаһын былаастара Илиҥҥи экэниэмикэ пуорумун кэмигэр илии баттаспыттара. Амуру туоратар массыына-тимир суол муостата Байкал-Амур Илиҥҥи полигонун уонна Транссибиир тимир суол ыллыгын ноҕоруускатын чэпчэтиэҕэ. Ол түмүгэр Саха сириттэн 20 мөл туонна кэриҥэ араас таһаҕас КНР-га тахсыаҕа.
“Саха сирин тимир суолара” хампаанньа Джалиндаҕа тимир суол тиксэр сирин тутууга бэдэрээтчит буолуохтарын сөп.
СӨ Ил Дарханын уонна Бырабыыталыстыбатын саайтыттан
Саха сирин Үлэҕэ уонна социальнай сайдыыга министиэристибэтин чэрчитинэн, 2025 сылга байыаннай дьайыы кыттыылаахтарын 889 төрөппүтэ…
Ис дьыала министиэристибэтин 4 №-дээх управлениетын полицияҕа отделын дьуһуурунай чааһыгар өттүгэр быһах баастаах киһи киирбитин…
Олунньу 12 - 14 күннэригэр СӨ бырабыыталыстыбатын бэрэссэдээтэлин солбуйааччы Анатолий Семенов салайааччылаах министиэристибэлэр, биэдэмистибэлэр бэрэстэбиитэллэрэ…
Судаарыстыбаннай демографическай уонна дьиэ кэргэн бэлиитикэтин олоххо киллэрэр Сэбиэт мунньаҕын түмүгүнэн, Владимир Путин муус устар…
Бу күннэргэ Саха сирин киин куоратыгар Дьокуускайга аан бастаан художественнай гимнастикаҕа Уһук Илиҥҥи федеральнай уокурукка…
Москва уобалаһын Красногорской балыыһатыгар 46 саастаах дьахтар хабаҕыттан косметикаҕа туттуллар харандааһы хостообуттарын туһунан Москва уобалаһын…